نۇر-سۇلتاندا ازاماتتىق جانە قىزمەتتىك قارۋ يەلەرىن تەكسەرىپ جاتىر
ازاماتتىق، قىزمەتتىك جانە ماراپات قارۋى يەلەرىن تەكسەرۋ ۇيىمداستىرىلدى.
تىركەلمەگەن اتىس قارۋى، وق-ءدارى، جارىلعىش زاتتار مەن قۇرىلعىلاردى زاڭسىز اينالىمنان انىقتاۋ جانە تاركىلەۋ بويىنشا شارالار جۇرگىزىلۋدە.
الدىن الۋ شارالارىنىڭ ەكى كۇنى ىشىندە 1300 قارۋ يەلەرى تەكسەرىلدى، قارۋدى ساقتاۋ جانە الىپ ءجۇرۋ ءتارتىبىن بۇزۋدىڭ 16 فاكتىسى، قارۋدى قايتا تىركەۋ ءتارتىبىن بۇزۋ بويىنشا 14 فاكتى انىقتالدى.
ودان بولەك، تىركەلگەن قارۋ اينالىمى تالابىنىڭ بۇزىلۋىنا بايلانىستى 46 قارۋ تاركىلەندى. رەيد بارىسىندا «زەلەنايا روشا» ساياجاي قوعامىندا پوليتسەيلەر 21 جاستاعى قالا تۇرعىنىن توقتاتتى.
تەكسەرۋ كەزىندە ازاماتتىڭ كۇرتەسىنىڭ قالتاسىنان تاپانشا تابىلدى. گاز تاپانشاسىنىڭ ۇڭعىنى اۋىستىرۋ ارقىلى قايتا جاسالعانى انىقتالدى.
بۇل پاتروندارمەن جاراقات سالاتىن تاپانشا سياقتى اتۋعا مۇمكىندىك بەرەدى. اتالعان فاكتى بويىنشا ازاماتقا قاتىستى ق ر ق ك- ءنىڭ 287-بابىنا ساي قىلمىستىق ءىس قوزعالدى.