ەلوردادا جەڭىل كولىك جاس ءوسپىرىم بالانى قاعىپ كەتتى

نۇر-سۇلتان. قازاقپارات - 27 جاستاعى «Chevrolet Nexia» اۆتوكولىگىنىڭ جۇرگىزۋشىسى اسان قايعى كوشەسىنىڭ قيىلىسىندا كامەلەتكە تولماعان 2012-جىلعى جاياۋ جۇرگىنشىنى قاعىپ كەتتى، دەپ حابارلايدى قازاقپارات قالالىق پ د باسپا ءسوز قىزمەتىنە سىلتەمە جاساپ.

«وقيعا 18- مامىر كۇنى ساعات 21:57 دە ورىن العان. جۇرگىزۋشى تارحان كوشەسىنىڭ بويىمەن برۋسيلوۆسكي كوشەسى جاعىنان كەلە جاتقان، ال جاياۋ جۇرگىنشى بەلگىلەنگەن جەردە جولدىڭ سولدان وڭعا قاراي بۇرىلاتىن تۇسىنان جۇگىرىپ وتپەك بولعان. جول-كولىك وقيعاسى سالدارىنان كامەلەتكە تولماعان جاياۋ جۇرگىنشى اۋرۋحاناعا جەتكىزىلىپ، دارىگەرلەردىڭ قاراۋىنان كەيىن ۇيىنە جىبەرىلدى» دەلىنگەن حابارلامادا.

اتالعان فاكتى بويىنشا تەرگەۋ امالدارى جۇرگىزىلۋدە. بۇل وقيعانى zhaloby.astana پاراقشاسىندا كۋاگەرلەر دە بولىسكەن ەدى. پوليتسيا دەپارتامەنتى نۇر-سۇلتان جۇرگىزۋشىلەرىنەن قوزعالىس كەزىندە بارىنشا مۇقيات بولۋدى، جىلدامدىق رەجيمىن، قاۋىپسىز قاشىقتىقتى جانە مانيەۆر جاساۋ ەرەجەلەرىن مۇلتىكسىز ساقتاۋدى سۇرايدى.