الماتى وبلىسىندا مالشى ىشىمدىكتى بىرگە ىشكەن تانىسىن ولتىرگەن

None
None
تالدىقورعان. قازاقپارات - الماتى وبلىسىندا مالشى ىشىمدىكتى بىرگە ىشكەن تانىسىن ءولتىردى دەگەن كۇدىكپەن ۇستالدى. 66 جاستاعى تۇرعىن قولى قان بولىپ، يەن دالامەن قاشىپ بارا جاتقان جەرىنەن قولعا ءتۇستى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 18 - مامىر كۇنى تۇنگى ساعات 00:10 شاماسىندا قاراساي اۋدانىنىڭ پوليتسەيلەرى ارنايى شاقىرتۋ بويىنشا وقيعا ورنىنا بارعان. ءتارتىپ ساقشىلارى قاسكەلەڭ قالاسىنىڭ ابىلاي حان كوشەسىندە ەر ادامنىڭ دەنەسىن تاپقان.

«جەدەل- ىزدەستىرۋ شاراسىن ۇيىمداستىرعان پوليتسەيلەر سول ماڭدا قاشىپ بارا جاتقان ەر ادامدى بايقاعان. بىردەن ونىڭ ىزىنە ءتۇسىپ، ۇستاعان. قولعا تۇسكەن 66 جاستاعى ازاماتتىڭ ىشىمدىك ىشكەنى انىقتالدى جانە ونىڭ قولى قان بولدى. تاڭەرتەڭ ەسىن جيعاننان كەيىن ول ءوزىنىڭ مالشى بولىپ جۇمىس ىستەيتىنىن ايتتى. تانىسىمەن بىرگە ىشىمدىك ءىشىپ، سوزگە كەلىسپەي، اس ءۇي پىشاعىمەن ولتىرگەنىن مويىندادى. قىلمىسىن جاسىرۋ ءۇشىن وقيعا ورنىنان قاشىپ كەتۋگە تىرىسقان، ءبىراق ويى جۇزەگە اسپاعان»، - دەلىنگەن ۆەدومستۆونىڭ حابارلاماسىندا.


قازىر ايعاق زات تاركىلەندى. كۇدىكتى ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جۇرگىزىلىپ جاتىر.

اۆتور: سامال قابىشيەۆا

سوڭعى جاڭالىقتار