+7 (701) 759 90 19
7 °С : نۇر-سۇلتان
20 °С : الماتى
USD 425.75 EUR 499.32
RUB 5.85 CNY 65.88
جاڭالىقتار

قاراعاندىلىق ازامات جەتى كۇندىك جاياۋ مارافونعا اتتاندى

19 مامىر 11:31
:ءبولىسۋ
قاراعاندىلىق ازامات جەتى كۇندىك جاياۋ مارافونعا اتتاندى

قاراعاندى. قازاقپارات - قاراعاندىدا «جاياۋ» تانىمدىق تۋريزم جوباسى باستالدى. ونىڭ جەتەكشىسى اسحات قاجىتاي جەتى كۇندە 333 شاقىرىمدى جاياۋ ءجۇرىپ ءوتۋدى جوسپارلاپ وتىر، دەپ حابارلايدى قازاقپارات ءتىلشىسى.

جول بويىندا ول كورىكتى جەرلەر مەن جەرگىلىكتى سالت- ءداستۇردى ۆيدەوعا ءتۇسىرىپ وتىرادى. ساياحاتشى بۇكىل بەينەنى الەۋمەتتىك جەلىدە تاراتادى.

«جوبانىڭ بەس باعىتى بار. ءبىرىنشىسى - قاراعاندى- قىزىلاراي. بۇل ساپار 24-مامىردا اقسوراڭ تاۋىنا شىعىپ، تۋ ورناتۋمەن اياقتالادى. كەلەسى باعىت - قاراعاندى- ۇلىتاۋ جانە ت. ب. جاياۋ مارافون كۇزدە تۇركىستاندا اياقتالادى. مەنىڭ جوبامنىڭ نەگىزگى ماقساتى - ءبىزدىڭ جەرىمىزدىڭ تاريحي جانە مادەني قۇندىلىعىن كورسەتۋ. ساپار بارىسىندا كەزدەسەتىن ءار اۋىلدىڭ وتكەنى مەن بۇگىنى تۋرالى ايتىپ، قىزىقتى ادامداردىڭ پورترەتىن جاساعىم كەلەدى. سوڭعى ۋاقىتتا تانىمال بولىپ كەلە جاتقان ەكو جانە ەتنوتۋريزمگە باسا نازار اۋدارامىن. ءبىر كۇندە 56- 60 شاقىرىمنان ءوتىپ، جەتى كۇندە قىزىلارايعا جەتەمىن دەپ ويلايمىن»، - دەيدى اسحات قاجىتاي. تۋريستىك جوبا قازاقستان تاۋەلسىزدىگىنىڭ 30 جىلدىعىنا ارنالعان.

«ءبىرىنشى كەزەكتە بۇل باستاما بۇقارالىق سپورتتى ناسيحاتتاۋعا ىقپال ەتەتىن بولادى. ەكىنشىدەن، بۇل تۇرعىنداردى تۋعان ولكەنىڭ تاريحي ورىندارى مەن جەكە تۇلعالارىمەن تانىستىرۋدىڭ بىرەگەي ءتاسىلى»، - دەپ سانايدى Saryarqa aqparat مەدياحولدينگىنىڭ ديرەكتورى قامبار احمەتوۆ.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات