عالىمدار جەر بەتىندەگى بارشا قۇس سانىن انىقتادى
بۇل ەسەپكە ەمۋ مەن پينگۆين سياقتى ۇشپايتىن قۇستاردى دا قوسقان. مۇنداي اقپاراتتى SciTechDaily حابارلادى.
اۋسترالياداعى جاڭا وڭتۇستىك ۋەلس ۋنيۆەرسيتەتىنىڭ مالىمەتىنشە، قازىر پلانەتامىزدى شامامەن 50 ميلليارد جابايى قۇس مەكەندەيدى. ال قازىر جەردەگى ادام سانى - 8 ميللياردقا جۋىق.
زەرتتەۋ توبى قۇستاردىڭ تارالۋى مەن ولاردىڭ كوپ ەكەنى تۋرالى ناقتى ۋاقىت رەجيمىندەگى مالىمەتتى بەرەتىن eBird ونلاين-مالىمەتتەر بازاسىندا تىركەلگەن قۇستاردىڭ ءبىر ميللياردقا جۋىق بەينەسىن زەرتتەگەن.
پلانەتانىڭ 600 مىڭنان استام قولدانۋشىسى 2010-جىلدان 2019-جىلعا دەيىن قۇستاردى باقىلاپ، بەلگىلى ءبىر ادامنىڭ قاناتتىلاردى قاي جەردە جانە قاشان كورگەنىن تىركەيدى. وسى جازبالار ارقىلى عالىمدار قازىرگى كەزدە تىرشىلىك ەتەتىن قۇستاردىڭ 92 پايىزى تۋرالى مالىمەتتەردى تالداي العان. زەرتتەۋشىلەردىڭ پىكىرىنشە، قالعان 8 پايىزى سيرەك كەزدەسەتىن قۇس تۇرلەرى.
ءتورت ءتۇرلى قۇستىڭ سانى ءبىر ميللياردتان اسادى. ولار: ءۇي تورعايى، كادىمگى قاراتورعاي، شاعالا جانە قارلىعاش. كوپتەگەن قۇستىڭ سانى از. مىسالى، 1180 ءتۇرلى قۇستىڭ سانى 5 مىڭعا جەتپەيدى جانە ولار قورعاۋعا الىنعان.
زەرتتەۋ توبى الداعى ۋاقىتتا قايتا تالداۋدى جوسپارلاپ وتىر. وسى جوباعا قاتىسۋعا نيەت بىلدىرگەن كەز كەلگەن ادام eBird تە ءوز قۇسىنىڭ باقىلاۋ اككاۋنتىن جاساي الادى.
بۇعان دەيىن قازاقستاندا تاياۋ شىعىستاعى سوعىسقا بايلانىستى قۇستاردىڭ 150 ءتۇرى جوعالىپ كەتۋى مۇمكىن ەكەنى حابارلانعان بولاتىن. زەرتتەۋشىلەر قۇستاردىڭ قارۋلى قاقتىعىستار كەزىندە جويىلاتىنىن ايتادى. بۇرىن قازاقستاندا قاناتتىلاردىڭ ءتۇر-ءتۇرى بولسا، قازىر ولاردى سيرەك كەزدەستىرەسىز.
massaget.kz