قارسىلاسىنىڭ ءبارىن نوكاۋتپەن جەڭگەن قازاق سپورتشى الەمدە ايگىلى ليگاعا قوسىلدى
بۇل تۋرالى سپورتشىنىڭ ءوزى الەۋمەتتىك جەلى ارقىلى مالىمدەدى، دەپ حابارلايدى Vesti.kz.
«الەمدە كوش باستاپ كەلە جاتقان م م ا- ۇيىمدارىنىڭ ءبىرى BRAVE CF ليگاسىمەن كەلىسىم-شارت جاساسقانىمدى قۋانىشپەن حابارلايمىن! ءوزىمنىڭ العاشقى جەكپە-جەگىمدى اسىعا كۇتىپ ءجۇرمىن. ەۋروپا، ازيا مەن باسقا دا كەز-كەلگەن جەردە ونەر كورسەتۋگە ساقاداي سايمىن!
مەن ءۇشىن وسىنداي جۇمىس اتقارىپ، مۇمكىندىك بەرگەن كوماندام @underdog.promotions جانە مەنەدجەرىم @nuraddins اعايىما مىڭ العىس!
ەندى باس باپكەرىم @muratestanov اعايمەن ليگاداعى دەبيۋتتىك جەكپە-جەگىمە تىنباي جاتتىعامىز. جاقىن ارادا قارسىلاسىم جانە جەكپە-جەك ۋاقىتىن بىلەتىن بولاسىزدار!» - دەپ جازىپتى ول Instagram جەلىسىندە.
مۇنىڭ الدىندا جارتىلاي ورتا سالماقتاعى 24 جاستاعى فايتەر Octagon ليگاسىندا جۇدىرىقتاسقان.
ول بارلىق جەكپە-جەگىن ۋاقىتىنان بۇرىن اياقتاعان - بەس نوكاۋتى بار.