كوروناۆيرۋس بويىنشا الەمدەگى احۋال

None
None
نۇر-سۇلتان. قازاقپارات - توكيو دارىگەرلەرى وليمپيادا ويىندارىنىڭ وتكىزىلۋىنە قارسى شىعۋدا. گەرمانيا مۇراجايلارعا پ ت ر- انىقتامامەن كىرگىزە باستادى. رەسەي استاناسىندا كوروناۆيرۋستىڭ جاڭا جاعدايلارى ازايدى، دەپ حابارلايدى قازاقپارات.

توكيوداعى 6 مىڭعا جۋىق دارىگەر قالاداعى كوروناۆيرۋستىڭ ءتورتىنشى تولقىنىنا بايلانىستى وليمپيادا ويىندارىن وتكىزبەۋگە شاقىردى.

وسىدان ءبىر اپتا بۇرىن جاپوندىق كلينيكالاردىڭ دارىگەرلەر توبى وليمپيادانى قاۋىپسىز وتكىزۋ مۇمكىن ەمەستىگىن مالىمدەدى.

جاپونيا تۇرعىندارىنىڭ باسىم بولىگى دە بۇل شارانى كەيىنگە قالدىرۋدى جاقتادى. ەلدەگى 47 پرەفەكتۋرانىڭ 9 ىندا توتەنشە جاعداي مامىر ايىنىڭ سوڭىنا دەيىن جاريالاندى.

125 ميلليوننان استام جاپوندىقتىڭ تەك ءۇش پايىزى عانا ۆاكسيناتسيانىڭ ءبىرىنشى دوزاسىن الدى، اۋرۋحانالار تولىپ، دارىگەرلەر جۇكتەمەسى ارتا ءتۇستى.

بەرليندەگى مەملەكەتتىك مۇراجايلار 21- مامىردان باستاپ كوپشىلىككە ەسىگىن قايتا ايقارا اشاتىندارىن مالىمدەدى. مۇراجايلارعا كىرۋگە پ ت ر تەست جانە سول كۇنى الىنعان ەكسپرەسس- تەستىڭ تەرىس ناتيجەسى بولعاندا، سونداي-اق FFP2 قورعانىس ماسكاسى جانە الدىن الا بروندالعان ۋاقىتقا بيلەت الىنعان كەزدە عانا رۇقسات بەرىلەدى.

يسپانيادا جۇرگىزىلگەن Combivacs زەرتتەۋىنەن كەيىن انىقتالعانداي، Astrazeneca ۆاكسيناسىنىڭ ءبىرىنشى دوزاسىنان كەيىن Biontech/Pfizer ۆاكسيناسىنىڭ ەكىنشى دوزاسىن الۋ قاۋىپسىز جانە ءتيىمدى. عالىمدار Astrazeneca پرەپاراتىنىڭ ەكى دوزاسىن العانداردا يممۋندىق جاۋاپ 30-40 ەسە جوعارى ەكەنىن تىركەدى.

سونىمەن قاتار زەرتتەۋگە قاتىسقان 600 ادامنىڭ تەك بىرەن-سارانىندا ەلەۋلى جاناما اسەرلەر بايقالعان. ءبىرقاتار ەلدىڭ بيلىگى ترومبوز قاۋپىنىڭ جوعارىلاۋىنا بايلانىستى Astrazeneca پرەپاراتىن Biontech/Pfizer نەمەسە Moderna ۆاكسيناسىمەن بىرىكتىرۋدى ۇسىنادى.

گەرمانيادا بۇل 60 جاسقا دەيىنگى تۇرعىندارعا قاتىستى جۇزەگە اسىرىلادى.

رەسمي مالىمەتتەرگە سايكەس ماسكەۋدەگى COVID-19 بويىنشا كۇندەلىكتى اۋرۋشاڭدىق كورسەتكىشى 2430 جاعدايعا دەيىن تومەندەگەن. بۇل ءبىر كۇن بۇرىنعى مالىمەتكە قاراعاندا 1 مىڭ ادامعا از، دەپ حابارلادى كوروناۆيرۋس احۋالىن باقىلاۋ جونىندەگى جەدەل شتاب.

ايتا كەتۋ كەرەك، بۇل 6- مامىردان باستاپ تىركەلگەن ماسكەۋدەگى ەڭ تومەنگى كورسەتكىش.

سوڭعى جاڭالىقتار