قىتايدا «تيتانيكتىڭ» كوشىرمەسى پايدا بولادى - ۆيدەو

نۇر-سۇلتان. قازاقپارات - قىتايدا اتلانت مۇحيتىندا اپاتقا ۇشىراعان بريتانيالىق «تيتانيك» كەمەسىنىڭ ءدال كوشىرمەسى پايدا بولادى.

بۇل تۋرالى France24 جازادى، - دەپ حابارلايدى Lenta.ru باسىلىمى.

باسىلىم مالىمەتىنشە، جوبانىڭ باس دەمەۋشىسى ينۆەستور سۋ شاوجۋن (سۋ شاوجۋن) بولدى. ول 1997 -جىلى اتاقتى «تيتانيك» فيلمىمەن اتى اڭىزعا اينالعان كرۋيزدىك كەمەنى قالپىنا كەلتىرۋگە شابىتتانىپ قولعا العان.

كەمەنىڭ كوشىرمەسىن سالۋ ءتۇپنۇسقانىڭ قۇرىلىسىنا قاراعاندا ءۇش جىلعا كوپ ۋاقىت الدى جانە ونىڭ قۇنى ءبىر ميلليارد يۋان (66,4 ميلليارد تەڭگە) بولدى. كەمەنىڭ كوشىرمەسىندە اسحانادان ءساندى شكافتارعا دەيىن بارلىق نارسە ءتۇپنۇسقا «تيتانيك» ستيلىندە جاسالعان.

سونداي-اق، جاڭا كەمە سىچۋان پروۆينسياسىنىڭ تاقىرىپتىق پاركىنىڭ ورتاسىندا قۇرلىقتا ورنالاسادى. سونىمەن قاتار، تۋريستەر بەس جۇلدىزدى لاينەردە قونا الادى. كەمەدە تۇرۋ قۇنى كۇنىنە 2000 يۋانعا دەيىن (شامامەن 133 مىڭ تەڭگە) بولادى.

«مەن بۇل كەمە 100 جىلدان كەيىن دە، 200 جىلدان كەيىن دە وسىندا بولادى دەپ ۇمىتتەنەمىن»، - دەدى شاوجيۋن.

ءبىز كوروناۆيرۋس پاندەمياسى جاقىن ارادا اياقتالىپ، ساياحاتقا جول اشىلادى دەگەن ۇمىتتەمىز.