الماتىدا قۇدىقتا ۇزىن-سونار كەزەك پايدا بولدى

الماتى. قازاقپارات - الماتى قالاسىنىڭ تۇركسىب اۋدانىنداعى قۇدىقتا ۇزىن-سونار كەزەك پايدا بولدى.

«الماتى سۋ» كاسىپورنى جاعدايدى ءتۇسىندىردى، دەپ حابارلايدى قازاقپارات ءتىلشىسى.

«كۇنى بويى سۋ جوق! ولار اپات بولدى دەيدى. ءبىر عانا قۇدىق بار. ادامدار كەزەك ءۇشىن ءبىر بىرىمەن جانجالداسىپ جاتىر. اۋىز سۋ الاتىن قۇدىق مولداعۇلوۆا- اقينوۆ كوشەسىنىڭ قيىلىسىندا ورنالاسقان»، - دەپ جازدى جەلى قولدانۋشى.

«الماتى سۋ» م م باسپا ءسوز قىزمەتىنىڭ مالىمەتىنشە، سۋمەن جابدىقتاۋ جەلىلەرىندە اپاتقا قاتىستى جۇمىستار جۇرگىزىلدى.

«17-مامىردا ساعات 05:00-دەن 24:00-گە دەيىن چەرنىشەۆسكي- اقىنوۆ- مولداعاليەۆ- تولستوي كوشەلەرىندە ورنالاسقان تۇرعىن ۇيلەر مەن عيماراتتارعا ۋاقىتشا سۋىق سۋ بەرۋ شەكتەتىلدى» - دەپ حابارلادى «الماتى سۋ» م م كومپانيا اپاتتىق جاعداي تۋرالى الدىن الا ءبىلۋ مۇمكىن ەمەس ەكەندىگىن اتاپ ءوتتى.

№9 ەمحانانىڭ جانىنداعى ر. زورگە كوشەسىنە جانە ساۋرانبايەۆا 24، مامانداندىرلعان حالىققا قىزمەت كورسەتۋ ورتالىعىنا ءۇش اۆتوتسيستەرنا سۋ جەتكىزىلدى. ۋاقىتشا كەلتىرىلگەن قولايسىزدىق ءۇشىن كەشىرىم سۇرايمىز»، - دەپ اتاپ ءوتتى كومپانياداعىلار.

اۆتور: الما مۇقانوۆا