+7 (701) 759 90 19
17 °С : نۇر-سۇلتان
22 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

ۇكىمەتتە سانيتارلىق رەجيمدى بۇزعاندارعا اكىمشىلىك شارا قولدانۋ ۇسىنىلدى

18 مامىر 10:55
:ءبولىسۋ
ۇكىمەتتە سانيتارلىق رەجيمدى بۇزعاندارعا اكىمشىلىك شارا قولدانۋ ۇسىنىلدى

نۇر- سۇلتان. قازاقپارات - حالىقتى ۆاكسينا الۋعا ىنتالاندىرۋ ءۇشىن ءتۇسىندىرۋ جۇمىستارىن ارى قاراي جۇرگىزۋ قاجەت.

بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترىنىڭ ورىنباسارى ەرالى توعجانوۆ ايتتى، دەپ حابارلايدى قازاقپارات ءتىلشىسى.

«ەپيدەميولوگيالىق جاعداي كۇندەلىكتى باقىلاۋدا. قولدانىلعان ءىس- شارالار ەپيدەميولوگيالىق احۋالدىڭ تۇراقتىلىعىن قامتاماسىز ەتۋدە. مامىردىڭ 2-15- ءى ارالىعىندا كۆي جۇقتىرعانداردىڭ سانى الدىڭعى كەزەڭمەن سالىستىرعاندا 5893 ادامعا تومەندەگەن. سونىمەن قاتار بىرنەشە كۇندە «قىزىل» ايماقتاعى وڭىرلەردىڭ سانى ازايىپ، 6 وڭىرگە قىسقاردى. بۇل قابىلدانعان ناقتى ءىس- شارالاردىڭ جۇزەگە اسىپ جاتقانىن كورسەتەدى»، - دەدى ەرالى توعجانوۆ.

دەگەنمەن، ۇكىمەت باسشىسىنىڭ ورىنباسارى ورتالىق جانە جەرگىلىكتى مەملەكەتتىك ورگاندارعا ءبىرقاتار باعىت بويىنشا ناقتى ءىس- شارالار قابىلداۋ قاجەتتىگىن باسا ايتتى.

«بىرىنشىدەن، حالىقتى ۆاكسينا الۋعا ىنتالاندىرۋ ءۇشىن ءتۇسىندىرۋ جۇمىستارىن ارى قاراي ارتتىرۋىمىز كەرەك. سوندىقتان دەنساۋلىق ساتاۋ مينيسترلىگى، اكىمدىكتەر مۇنداي جاعدايدا كوپشىلىككە كاسىبي تۇرعىدان جانە جەدەل ءتۇسىندىرۋ جۇمىستارىن جولعا قويۋى ءتيىس. ەكىنشىدەن، «Ashyq» جۇيەسى ازاماتتار اراسىندا شەكتەۋ ءىس- شارالارىن ورەسكەل بۇزۋشىلاردىڭ ارتىپ وتىرعاندىعىن كورسەتتى. سول سەبەپتى بۇل باعىتتا دەنساۋلىق ساقتاۋ مينيسترلىگى ادىلەت مينيسترلىگىمەن جانە باس پروكۋراتۋرامەن بىرگە سانيتارلىق رەجيمدى بۇزۋشىلارعا قاتىستى ءتيىستى اكىمشىلىك شارالاردى قولدانۋ تەتىگىن پىسىقتاۋى قاجەت. وسىنداي ءىس- شارالاردى قولعا الساق دەگەن نيەت بار»، - دەدى پرەمەر- ءمينيستردىڭ ورىنباسارى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات