تالاسبەك اسەمقۇلوۆقا ارناپ بايقاۋ جاريالاندى

None
None
نۇر-سۇلتان.قازاقپارات - جازۋشى، تاريح جانە ەتنوگرافيا زەرتتەۋشىسى، كۇيشى تالاسبەك اسەمقۇلوۆ تۋرالى جازىلعان زەرتتەۋ ماقالالارعا بايقاۋ جاريالاندى. جۇلدە قورى - اقشالاي سىياقى.

وتكەن جىلى جازۋشى، كۇيشى تالاسبەك اسەمقۇلوۆتىڭ 65 جىلدىق مەرەي تويىنا وراي جارى زيرا ناۋرىزبايەۆا ادەبي بايقاۋ ۇيىمداستىرعان ەدى. تالاسبەك اسەمقۇلوۆتىڭ شىعارماشىلىعىن ناسيحاتتاۋ ماقساتىندا وتكىزىلگەن بايقاۋ بيىل دا جالعاسپاق.

بايگەنىڭ باستى تاقىرىبى - تالاسبەك تانۋ: باس جۇلدە تالاسبەك اسەمقۇلوۆتىڭ شىعارماشىلىعى تۋرالى جاقسى جازىلعان زەرتتەۋ ماقالاعا بەرىلەدى.

تالاسبەك شىعارماشىلىعىنىڭ ءار قىرىنان تالداپ جازۋعا بولادى. ءبىر عانا تالاپ − ينتەللەكتۋالدىق دەڭگەي.

تالاسبەك تۋرالى ماقالالار يا سىلتەمەلەردى ۇمىتكەرلەر سايتتارعا، بولماسا فەيسبۋك پاراقشالارىنا #TalasbekAsemkulov2021 حەشتەگىمەن سالۋى جانە [email protected] ەلەكتروندى پوشتاسىنا جولداۋى ءتيىس.

بايقاۋ وتكىزۋ ۋاقىتى:

جاريالاعان كۇننەن باستاپ 2021 -جىلدىڭ 1-تامىزىنا دەيىن ۇسىنىلۋى كەرەك. بايگە ناتيجەسى 2021 -جىلدىڭ 23-قىركۇيەگىندە جاريالانادى.

ىزدەنەتىن جاستارعا ءبىر باعىت - تالاسبەكتىڭ 1973-95 -جىلدارى جازىلعان، بەلگىسىز ماقالا، اڭگىمەلەرى كىتاپحانادان تابىلىپ قالۋى مۇمكىن. تەلەراديو، جەكە ارحيۆتەردە سول كەزەڭدە جازىلعان حابارلار بولۋى مۇمكىن. ونى تاپقان ادامعا ءسوزسىز بايگە بەرىلەدى.

جەڭىمپازدار قارجىلاي سىيلىقپەن ماراپاتتالادى:

1-ورىن - 150000تەڭگە

2-ورىن - 70000 تەڭگە

3-ورىن - 50000 تەڭگە

massaget.kz

سوڭعى جاڭالىقتار