بەلارۋس اسكەري دەلەگاتسياسى قازاقستانعا كەلدى

None
None
نۇر-سۇلتان. قازاقپارات - قازاقستان رەسپۋبليكاسى ۇلتتىق ۇلانىنىڭ باس قولباسشىسى گەنەرال- لەيتەنانت رۋسلان جاقسىلىقوۆ ەلىمىزدە قىزمەت بابىمەن ءىس-ساپاردا جۇرگەن بەلارۋس رەسپۋبليكاسى ىشكى ىستەر ءمينيسترىنىڭ ورىنباسارى - ىشكى اسكەرلەر قولباسشىسى گەنەرال-مايور نيكولاي كارپەنكوۆ باستاعان دەلەگاتسيامەن كەزدەستى، دەپ حابارلايدى قازاقپارات ءتىلشىسى ق ر ۇلتتىق ۇلانىنىڭ باسپا ءسوز قىزمەتىنە سىلتەمە جاساپ.

ەكىجاقتى اڭگىمە كەزىندە قوس ەل كۇش قۇرىلىمدارى اراسىنداعى ورناعان قارىم-قاتىناسقا تولىقتاي ريزاشىلىق ءبىلدىردى.

كەزدەسۋ بارىسىندا ۇلتتىق ۇلان باس قولباسشىسى گەنەرال-لەيتەنانت رۋسلان جاقسىلىقوۆ قوناقتاردى قۇقىقتىق ءتارتىپ اسكەرىنىڭ قىزمەتتىك-جاۋىنگەرلىك ارەكەتى جانە اتقاراتىن نەگىزگى مىندەتتەرىمەن تانىستىرىپ ءوتتى. سونداي-اق، تاراپتار قازاقستان ۇلتتىق ۇلانى مەن بەلارۋس ءى ءى م ىشكى اسكەرلەرى اراسىندا قۇقىق قورعاۋ سالاسىنداعى ىنتىماقتاستىقتى دامىتۋدىڭ كوكجيەكتەرى مەن ءوزارا قارىم-قاتىناستى نىعايتۋدىڭ جولدارىن اتاپ ءوتتى.

ەلورداداعى ءىس-ساپارى كەزىندە بەلارۋس ەلىنىڭ دەلەگاتسياسى ۇلتتىق ۇلاننىڭ اسكەردى باسقارۋدىڭ ورتالىعىنىڭ مۇمكىندىكتەرى، 5573 اسكەري ءبولىمىنىڭ قىزمەتتىك-جاۋىنگەرلىك ارەكەتى جانە اسكەري قالاشىقتىڭ ينفراقۇرىلىمىمەن تانىسىپ، ق ر تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىندە بولدى.

ساپار اياسىندا ەكى ەل كۇش قۇرىلىمدارىنىڭ جەتەكشىلەرى ۇلتتىق ۇلان باس قولباسشىلىعى اۋماعىنداعى «دوستىق اللەياسىندا» ءوزارا قارىم-قاتىناستى نىعايتۋدىڭ بەلگىسى رەتىندە بىرلەسىپ اعاش وتىرعىزدى.

ارى قاراي بەلورۋسستىق دەلەگاتسيا ەلىمىزدىڭ الماتى، وسكەمەن جانە سەمەي قالالارىنا ساپار شەگىپ، وندا ۇلتتىق ۇلاننىڭ ارنايى ماقساتتاعى بولىمشەلەرگە ارنالعان جاۋىنگەرلىك جانە ادىستەمەلىك دايىندىق ورتالىعى جانە داعدارىسقا قارسى وقۋ ورتالىعىنىڭ مۇمكىندىكتەرىمەن تانىسپاق.

سوڭعى جاڭالىقتار