+7 (701) 759 90 19
17 °С : نۇر-سۇلتان
22 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

ەۋرووداق تاريحىندا ءبىرىنشى رەت ناسىلشىلدىكپەن كۇرەس بويىنشا ۇيلەستىرۋشى تاعايىندالدى

17 مامىر 21:45
:ءبولىسۋ
ەۋرووداق تاريحىندا ءبىرىنشى رەت ناسىلشىلدىكپەن كۇرەس بويىنشا ۇيلەستىرۋشى تاعايىندالدى

بريۋسسەل. قازاقپارات - ەۋروپالىق كوميسسيا ميكاەلا مۋانى ءوزىنىڭ تاريحتاعى ءبىرىنشى ناسىلشىلدىكپەن كۇرەس بويىنشا ۇيلەستىرۋشىسى ەتىپ تاعايىندادى، دەپ حابارلايدى قازاقپاراتتىڭ مەنشىكتى ءتىلشىسى.

وسىلايشا، ەۋروكوميسسيا ە و- نىڭ ناسىلشىلدىكپەن كۇرەس بويىنشا جوسپارىندا باياندالعان مىندەتتەرىن ورىندايدى. ءوزىنىڭ جاڭا قىزمەتىندە ۇيلەستىرۋشى ناسىلدىك جانە ەتنوستىق ازشىلىقپەن تىعىز قارىم-قاتىناستا بولىپ، ولاردىڭ الاڭداۋشىلىقتارىن كوميسسياعا جەتكىزىپ وتىرادى.

م. مۋا ناسىلشىلدىكپەن كۇرەس سالاسىنداعى ساياسي شارالاردى كۇشەيتۋ ءۇشىن ە و- نىڭ مۇشە ەلدەرىمەن، ەۋروپالىق پارلامەنتپەن، ازاماتتىق قوعاممەن جانە عىلىمي قاۋىممەن تىعىز بايلانىستا جۇمىس ىستەيدى.

ناسىلشىلدىكپەن كۇرەس بويىنشا ۇيلەستىرۋشى ناسىلشىلدىكتى بولدىرماۋ جانە ونىمەن كۇرەسۋ بويىنشا ساياساتتى جۇزەگە اسىرۋ ءۇشىن ەۋروكوميسسيانىڭ باسقا قىزمەتتەرىمەن كۇش بىرىكتىرەدى.

تەڭدىك ماسەلەلەرى بويىنشا كوميسسار حەلەنا دالي «مەن مۋا حانىمدى قۋانىشپەن قارسى الامىن. ونىڭ جۇمىسى ناسىلشىلدىكپەن كۇرەس بويىنشا جوسپاردى جۇزەگە اسىرۋدا ماڭىزدى بولماق. ونىڭ تاعايىندالۋىمەن كوميسسيا ءانتيناسىلشىل ەۋروپالىق وداقتى قۇرۋعا تاعى ءبىر ماڭىزدى قادام جاسايدى. ءبىز ە و ەلدەرىمەن، ازاماتتىق قوعاممەن جانە وزگە دە مۇددەلى تاراپتارمەن تىعىز قارىم-قاتىناس جاساپ، ناسىلشىلدىكپەن كۇرەس بويىنشا كۇشىمىزدى بىرىكتىرۋگە نيەت ەتىپ وتىرمىز».

مۋا حانىم حالىقارالىق دامۋدى مەڭگەرىپ، ودان كەيىن ءوز ەلى فينليانديادا ناسىلشىلدىك جانە كەمسىتۋشىلىكپەن كۇرەسەتىن ۇ ە ۇ- لاردا جەتەكشى قىزمەتتەردە بولدى. سوڭعى بىرنەشە جىل ول فينليانديانىڭ ادىلەت مينيسترلىگىندە جۇمىس ىستەگەن. ونىڭ ناسىلشىلدىك پەن ەتنوستىق بەلگىلەر بويىنشا كەمسىتۋشىلىك، سونىمەن قاتار ەتنوستىق بىردەي جانە ءارتۇرلى قوعامدى ىلگەرىلەتۋ بويىنشا مول ءبىلىمى مەن تاجىريبەسى بار.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات