+7 (701) 759 90 19
17 °С : نۇر-سۇلتان
26 °С : الماتى
USD 424.99 EUR 504.21
RUB 5.81 CNY 65.66
جاڭالىقتار

جۇكەمبايەۆتىڭ ا ق ش- تاعى العاشقى جەكپە-جەگىنە بولجام جاسالدى

17 مامىر 22:44
:ءبولىسۋ
جۇكەمبايەۆتىڭ ا ق ش- تاعى العاشقى جەكپە-جەگىنە بولجام جاسالدى

نۇر-سۇلتان. قازاقپارات - ESPN لاتىن امەريكالىق كوممەنتاتورى جانە جۋرناليست ارماندو مەندوزا Vesti.kz تىلشىسىمەن بولعان اڭگىمە بارىسىندا قازاقستاندىق باتىر جۇكەمبايەۆتىڭ (18-0، 14 ك و) پۋەرتوريكولىق سابريەل ماتياسقا (16-1، 16 ك و) قارسى بولاتىن جەكپە-جەگى جايلى پىكىر ءبىلدىردى.

ماماننىڭ ويىنشا بۇل كەزدەسۋدە كورەرمەندەر كۇتپەگەن جاعدايعا كۋا بولماق.

«بۇل دايىندىقتارى ءبىر-بىرىمەن شامالاس قوس بوكسشىنىڭ كەزدەسۋى. الايدا ولاردىڭ مەكتەپتەرى ءار ءتۇرلى، ستيلدەرى دە. ءبىرى تاڭ قالدىرارلىق فيزيكالىق كۇشكە باسىمدىق بەرەدى. ونىڭ نوكاۋتتاردان تۇراتىن ستاتيستيكاسى - ويلاندىرادى. ال ەكىنشىسى، شابۋىل مەن قورعانىستى سەلبەستىرە وتىرىپ، باسىمدىقتى تەحنيكاعا بەرەدى. ءبىز قىزىقسىز نەمەسە وتە «اقىلدى» جەكپە-جەك كورمەيمىز. قارسىلاستاردىڭ مۇمكىندىكتەرى بىردەي. دايىندىعى مىقتى، از قاتەلىك جاساعان بوكشسى جەڭەدى دەپ ويلايمىن. مەنىڭشە وسى جەكپە-جەكتىڭ جەڭىمپازى تيتۋل ءۇشىن بولاتىن كەزدەسۋدىڭ فاۆوريتىنە اينالادى» - دەيدى مەندوزا.

جۇكەمبايەۆ پەن ماتياس 29- مامىر كۇنى ا ق ش- تىڭ لوس-اندجەلەس (كالفيورنيا شتاتى) قالاسىنداعى بوكس كەشىندە كەزدەسەدى. جەكپە-جەك تيتۋلعا مىندەتتى ۇمىتكەردى انىقتايتىن IBF تۋرنيرى باعدارلاماسىنا كىرەدى. باتىر ءۇشىن بۇل ا ق ش جەرىندەگى العاشقى كەزدەسۋى بولماق، وسىعان دەيىن ول كانادادا ونەر كورسەتىپ جۇرگەن ەدى.

قازاقستاندىق بوكسشى شارشى الاڭعا سوڭعى رەت 2020-جىلدىڭ قاڭتارىندا مونرەال قالاسىندا مەكسيكالىق ريكاردو لارۋعا (22-8، 10 ك و) قارسى شىقتى.

ول لارۋدى نوكاۋتقا جىبەرىپ، ءبىرىنشى ورتا سالماقتا WBA Continental Americas مەن IBF Inter- Continental تيتۋلدارىن ساقتاپ قالدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات