ارمان وسپانوۆ امەريكالىق پروموۋشەننىڭ رەيتينگىنە قوسىلدى

نۇر-سۇلتان. قازاقپارات - ارالاس جەكپە-جەكتە ونەر كورسەتەتىن ارمان وسپانوۆ (11-3) امەريكالىق Professional Fighters League دەپ اتالاتىن پروموۋشننىڭ رەيتينگىنە قوسىلدى.

بۇل تۋرالى ۇيىمنىڭ باسپا ءسوز قىزمەتى حابارلاپ وتىر.

PFL ۇيىمى ءوزىنىڭ تۆيتتەر پاراقشاسىندا «سۇڭقاردىڭ» جارتىلاي جەڭىل سالماقتىڭ رەيتينگىنە قوسىلعانىن حابارلادى.

وتانداسىمىز كورەيالىق سۋنگ بين دجونىڭ (9-2) ورنىنا قوسىلدى. ول ەندى رەيتينگتىڭ ونىنشى ساتىسىندا تۇر.

ايتا كەتەيىك، وسپانوۆتىڭ كەلەسى كەزدەسۋى 10- ماۋسىم كۇنى نيۋ-دجەرسي شتاتىنداعى اتلانتيك-سيتي قالاسىندا وتەدى. قازاقستاندىق سپورتشىنىڭ قارسىلاسى UFC ۇيىمىنىڭ بۇرىنعى وكىلى كريس ۋەيد (18-6) بولادى.

ال بۇل جەكپە-جەك كەشىنىڭ باستى ايقاسىندا UFC ۇيىمىنىڭ بۇرىنعى چەمپيونى ەنتوني پەتتيس پەن الەكساندر مارتينەس كەزدەسەدى.