الماتىدا قارجى پيراميداسىن ۇيىمداستىرۋشى ۇستالدى

None
None
الماتى. قازاقپارات - الماتىدا ءىرى قارجى پيراميداسىن ۇيىمداستىرۋشى ۇستالدى، دەپ حابارلايدى قازاقپارات ءتىلشىسى.

الماتى قالالىق پوليتسيا دەپارتامەنتىنىڭ مالىمەتىنشە، 1982-جىلى تۋعان ك. ەسىمدى ازامات قىلمىستىق كودەكستىڭ 217-بابى 3-بولىگى، 2-تارماعى بويىنشا قاراستىرىلعان قىلمىس جاساعانى ءۇشىن ايىپتالىپ وتىر. كۇدىكتى قاماۋعا الىندى.

«ەستەرىڭىزگە سالا كەتەيىك، ءبىر توپ ازامات الماتى قالالىق پوليتسيا دەپارتامەنتىنە قارجىلىق پيراميدا قۇرۋ جانە باسقارۋ فاكتىسى بويىنشا ASTEX. KZ ج ش س، ACD technology ج ش س جانە MUDARABAN Capital ج ش س لاۋازىمدى تۇلعالارىنا قاتىستى ۇجىمدىق ارىزبەن جۇگىندى.

سوتقا دەيىنگى تەرگەۋ بارىسىندا 2019-2021-جىلدار ارالىعىندا اتالعان ج ش س لاۋازىمدى تۇلعالارى جەكە جانە زاڭدى تۇلعالارمەن مەملەكەتتىك ساتىپ الۋعا قاتىسۋعا تالاپ ەتىلگەن قاراجاتتى تارتۋ ماقساتىندا بىرلەسكەن قىزمەت تۋرالى كەلىسىمشارتتار جاساعانى انىقتالدى. ەكىجاقتى قۇجاتقا سايكەس، فيرمالار ءار سالىمشىعا اي سايىن ەنگىزىلگەن سومانىڭ %20 تولەۋى كەرەك بولاتىن»، - دەدى الماتى پوليتسيا دەپارتامەنتى باستىعىنىڭ تەرگەۋ جۇمىستارى جونىندەگى ورىنباسارى ءرۇستام ءابدىراحمانوۆ.

سونىمەن قاتار، ول 1974-جىلى تۋعان م. ەسىمدى ازامات تا قارجى پيراميداسىن قۇرۋ مەن باسقارۋدى جاسادى دەگەن كۇدىككە ىلىنگەنىن ايتتى. قازىر ونى ۇستاۋ ءۇشىن جەدەل-تەرگەۋ شارالار كەشەنى جۇرگىزىلۋدە.

سوڭعى جاڭالىقتار