+7 (701) 759 90 19
28 °С : نۇر-سۇلتان
24 °С : الماتى
USD 427.15 EUR 519.12
RUB 5.96 CNY 66.84
جاڭالىقتار

«اسكەري باسپانا» باعدارلاماسىنا قۇجات قابىلداۋ باستالدى

17 مامىر 20:12
:ءبولىسۋ
«اسكەري باسپانا» باعدارلاماسىنا قۇجات قابىلداۋ باستالدى

نۇر-سۇلتان. قازاقپارات - «وتباسى بانك» «اسكەري باسپانا» باعدارلاماسىنا قاتىسۋ تۋرالى وتىنىمدەردى ونلاين فورماتتا قابىلداي باستادى، دەپ حابارلايدى قازاقپارات «وتباسى بانكتىڭ» باسپا ءسوز قىزمەتىنە سىلتەمە جاساپ.

باعدارلامانىڭ ءبىرىنشى ايىندا ليميت بويىنشا 700 دەن استام اسكەري قىزمەتشىنىڭ ءوتىنىمى قابىلداندى، ەندىگى وتىنىمدەر كەلەسى ايدا قابىلدانادى.

«وتباسى بانك» تۇرعىن ءۇي قۇرىلىس جيناق بانكى» ا ق دا «اسكەري قىزمەتشىلەر مەن ارناۋلى مەملەكەتتىك ورگاندار قىزمەتكەرلەرىن تۇرعىن ۇيمەن قامتاماسىز ەتۋ» باعدارلاماسى («اسكەري باسپانا») بويىنشا نەسيە بەرۋدى باستادى.

باعدارلاماعا تۇرعىن ءۇي تولەمدەرىن الاتىن، وتباسى بانكىندە ارنايى اعىمداعى شوتى بار جانە بۇعان دەيىن تۇرعىن ءۇي تولەمدەرىن جىلجىمايتىن مۇلىك ساتىپ الۋعا پايدالانباعان كەز كەلگەن ازامات قاتىسا الادى»، - دەپ جازىلعان بانك حابارلاماسىندا.

باعدارلاما بويىنشا نەسيە الۋ شارتتارى وزگەرىسسىز قالدى: العاشقى/ەكىنشى نارىقتان باسپانا ساتىپ الۋ جانە جوندەۋ، العاشقى جارنا %15 دان باستالادى، پايىزدىق مولشەرلەمەسى - %8، جىلدىق ءتيىمدى سىياقى مولشەرلەمەسى %8,3 دان باستالادى. نەسيە مەرزىمى 25 جىلعا دەيىن سوزىلادى.

«باسپانا تاڭداۋدا ەشقانداي شەكتەۋ جوق. نەسيەنى جاڭا نەمەسە قولدانىستاعى تۇرعىن ءۇيدى ساتىپ الۋ ءۇشىن پايدالانۋعا بولادى. سونداي-اق، مەنشىكتەگى تۇرعىن ءۇيدىڭ بولۋىنا قاتىستى دا شەكتەۋلەر قويىلماعان. نەسيەنىڭ رۇقسات ەتىلگەن ەڭ جوعارعى سوماسىن كليەنت تاڭداۋىمەن ەكى نۇسقادا ەسەپتەۋگە بولادى: اي سايىنعى تۇرعىن ءۇيدىڭ تولەمدەرى مەن %15 دان كەم تۇسپەيتىن دەپوزيتىندەگى جيناق سوماسىنا سۇيەنە وتىرىپ نەمەسە كليەنتتىڭ ناقتى كىرىسى مەن شىعىندارىنا نەگىزدەلۋگە بولادى»، - دەيدى بانك.

«اسكەري باسپانا» باعدارلاماسى بويىنشا نەسيە الۋ ءۇشىن، ءۇش قادامدى ورىنداۋ قاجەت:

1) ينتەرنەت-بانكينگتە قاتىسۋعا ءوتىنىش بەرۋ (ۆەب-نۇسقاسى https://online.hcsbk.kz )؛

2) تۇرعىن ءۇي تابۋ؛

3) ينتەرنەت-بانكينگتە ءوتىنىم قابىلدانعاننان كەيىنگى 60 كۇن ىشىندە بانك بولىمشەسىنە بارىپ، نەسيە الۋعا ءوتىنىش بەرۋ.

جولدانعان وتىنىمدەردى (ينتەرنەت-بانكينگتە) بانك ۆەدومستۆو مەن ايماقتارعا بولمەي، بەلگىلەنگەن ليميت شەڭبەرىندە اي سايىن قابىلداپ وتىرادى.

ەگەر تۇرعىن ءۇي تولەمدەرىن الۋشى وسى ايدا قاتىسۋعا ءوتىنىم بەرىپ ۇلگەرمەسە، ونى كەلەسى ايدا جولداي الادى. ينتەرنەت-بانكينگكە جىبەرىلگەن ءوتىنىم ونىڭ مەرزىمى اياقتالعانشا، ياعني 60 كۇن بويى جويىلمايدى.

وسى ۋاقىت ارالىعىندا تۇرعىن ءۇي تولەمدەرىن الۋشى باسپانا تاۋىپ، نەسيە الۋعا ءوتىنىش بەرىپ ۇلگەرمەسە، قۇجات كۇشىن جويادى. بۇل جاعدايدا تۇرعىن ءۇي تولەمدەرىن الۋشى ونى بانككە قايتا جولداي الادى.

«2020-جىلى تۇرعىن ءۇي تولەمدەرىن الىپ، ونى «وتباسى بانكىندە» ءۇي الامىز دەپ جيناپ جۇرگەن 2362 قازاقستاندىق اسكەري قىزمەتشى مەن ارناۋلى مەملەكەتتىك ورگاندار قىزمەتكەرلەرى «اسكەري باسپانا» باعدارلاماسى بويىنشا جەڭىلدەتىلگەن شارتتارمەن جالپى سوماسى 51,8 ميلليارد تەڭگەگە نەسيە راسىمدەدى. ولاردىڭ ىشىندە 1900 گە جۋىعى %15 دىق العاشقى جارنامەن، جىلدىق %8 بەن تۇرعىن ءۇي زايمىن الدى» - دەيدى «وتباسى بانك» ا ق باسقارما ءتورايىمى ءلاززات يبراگيموۆا.

«اسكەري باسپانا» باعدارلاماسىنا ءوتىنىم بەرۋ ءۇشىن «وتباسى بانك» ينتەرنەت-بانكينگىندە جەكە كابينەتكە كىرىپ، سول جاق پانەلدەگى «ارنايى شوت» پاراقشاسىن اشۋ كەرەك. ەكراندا كورسەتىلگەن «اسكەري باسپانا» باعدارلاماسىنا قاتىسۋعا ءوتىنىم بەرۋ» پەرنەسىن باسىڭىز.

پايدا بولعان سىلتەمە بويىنشا ءوتىپ، «اسكەري باسپانا» باعدارلاماسىنىڭ شارتتارىمەن تانىسىپ، باستاپقى بەتكە قايتا ورالىپ، «ارى قاراي» كومانداسىن ورىنداۋ كەرەك. ءوز ءوڭىرىڭىزدى ءارى سىزگە ىڭعايلى «وتباسى بانكىنىڭ» بولىمشەسىن تاڭداپ، «ارى قاراي» باتىرماسىن باسىڭىز.

باعدارلاما شارتتارىمەن تانىسقانىڭىزدى راستايتىن ەلەكتروندى وتىنىشكە قول قويىڭىز. ول ءۇشىن پايدا بولعان تەرەزەدە بەلگى قويىپ، «ارى قاراي» باتىرماسىن باسىڭىز.

موبيلدى نومىرىڭىزگە ارنايى كودى بار SMS جولدانادى. ونى ۇياشىققا ەنگىزىپ، «ارى قاراي» باتىرماسىمەن كەلەسى قادامعا ءوتىڭىز.

ەلەكتروندىق وتىنىممەن تانىسىپ، «ارى قاراي» باتىرماسى ارقىلى ءوتىنىم بەرۋدى اياقتاڭىز.

ەگەر ءبارى ءساتتى جۇزەگە اسسا، مونيتورعا نەسيە الۋعا ءوتىنىش بەرۋ ءۇشىن بانك بولىمشەسىنە جۇگىنە الاتىن مەرزىم (60 كۇن) كورسەتىلىپ، قۇتتىقتاۋى بار حابارلاما كەلەدى.

سونداي-اق ينتەرنەت- بانكينگتەگى جەكە كابينەتىڭىزدىڭ باستى بەتىندە «اسكەري باسپانا» باعدارلاماسى بويىنشا نەسيە الۋعا ۇمىتكەر ەكەنىڭىز جانە بانك بولىمشەسىنە جۇگىنۋ قاجەت ۋاقىت ارالىعى كورسەتىلىپ تۇرادى.

بانك بولىمشەسىنە بارماي تۇرىپ، بانكتىڭ www.hcsbk.kz سايتى ارقىلى كەزەككە ونلاين جازىلۋ قاجەت.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات