پالەستينا- يزرايل قاقتىعىسىنىڭ ەكىنشى اپتاسى تاعى دا قاندى قىرعىنعا ۇلاستى

اممان. قازاقپارات - پالەستينا- يزرايل قاقتىعىسىنىڭ ەكىنشى اپتاسى جويعىش ۇشاقتاردىڭ بومبالاۋى مەن زىمىرانداردىڭ كەزەكتەسە جارىلعان داۋىسىنان باستالدى.

اسكەري ارەكەتتەردىڭ قارقىنى ۇدەمەسە باسەڭدەگەن جوق، دەپ حابارلايدى قازاقپارات ءتىلشىسى Reuters-كە سىلتەمە جاساپ.

17 -مامىرعا قاراعان ءتۇنى يزرايلدىك اۆياتسيا «حاماس» ۇيىمىنىڭ جەراستى توننەلدەرىن بومبالادى، ال پالەستينالىق تاراپ يزرايل قالالارىن زىمىرانمەن اتقىلادى. گازا سەكتورىنداعى رەسمي وكىلدەردىڭ حابارلاۋىنشا، وتكەن جەكسەنبى - اپتا بويى قاقتىعىس كەزىندەگى ءولىم سانى ەڭ كوپ بولعان كۇن. گازا دەنساۋلىق ساقتاۋ مينيسترلىگىنىڭ دەرەگىنشە، جەكسەنبى كۇنى يزرايل تاراپى جاساعان اۋە سوققىسىنىڭ سالدارىنان بىرنەشە ءۇي قيراپ، 42 ادام قازا تاپقان. ولاردىڭ اراسىندا 16 ايەل مەن 10 بالا بولعان. ودان كەيىن يزرايل اسكەرلەرى سودىرلاردىڭ توننەل جۇيەسىنە سوققى جاسالعانى تۋرالى حابارلاعان.

«توننەلدەردىڭ وپىرىلۋى ونىڭ ۇستىندە تۇرعان ۇيلەردىڭ قيراۋىنا اكەلگەن. سونىڭ سالدارىنان بەيبىت تۇرعىندار قازا تاپقان»، - دەلىنگەن يزرايل قورعانىس اسكەرى - ساحال حابارلاماسىندا. يزرايل اسكەريلەرى «حاماس» توبىمەن بايلانىستى كوشباسشىلاردى كوزدەپ وتىرعانىن مالىمدەدى. ەرتەرەك ولار «حاماس» كوشباسشى ياحيا سينۆار مەن ونىڭ ءىنىسى مۋحاممەد سينۆاردىڭ ۇيلەرىنە سوققى جاساعان. دۇيسەنبىگە قاراعان ءتۇنى اسكەري ارەكەتتەر بۇرىنعى قارقىنمەن جالعاستى.

«اسكەريلەردىڭ ايتۋىنشا، گازادان يزرايل قالالارى اشكەلون مەن بەەر- شيەۆانى زىمىراندارمەن اتقىلاعاننان كەيىن يزرايلدىك ۇشاقتار حاماس- تىڭ جوعارى دەڭگەيدەگى كومانديرلەرىنىڭ توعىز ۇيىنە سوققى جاساعان. ۇيلەردىڭ كەيبىرى قارۋ ساقتاۋعا پايدالانىلعان»، - دەلىنگەن حابارلامادا.

يزرايلدىك اسكەري- اۋە كۇشتەرى اراسىندا گازانىڭ باستى مەديتسينالىق مەكەمەسى - ءتورت قاباتتى ال- شيف اۋرۋحاناسى بار ۇكىمەتتىك مەكەمەلەر مەن ۇيلەرگە ۇشاقتان جۇزدەگەن اۋە شابۋىلىن جاساعان، دەپ حابارلايدى Middle Ease Eye.

بومبالاۋ ەلەكترلىك جەتكىزۋ سىمدارىن زاقىمدادى. بۇل انكلاۆتىڭ ايتارلىقتاي اۋماعىندا ەلەكتردىڭ سونۋىنە الىپ كەلدى. وسى ورايدا قاقتىعىسقا الەمنىڭ الاڭداۋشىلىعى كۇشەيۋدە. ب ۇ ۇ- نىڭ باس حاتشىسى انتونيۋ گۋتەرريش ءارى قارايعى اسكەري ارەكەتتەردىڭ ءوڭىردى «ەڭسەرىلمەيتىن داعدارىسقا» ۇشىراتۋ مۇمكىن ەكەنىن ەسكەرتتى.

ول بۇل «سۇمدىقتى» توقتاتۋعا شاقىردى. بۇدان ەرتەرەك يزرايلگە ا ق ش مەملەكەتتىك دەپارتامەنتىنىڭ وكىلى دەەسكالاتسيا بويىنشا كەلىسسوزگە قاتىسۋ ءۇشىن كەلگەن بولاتىن. جەكسەنبى كۇنى، 16 - مامىردا ا ق ش ءۇشىنشى رەت يزرايل مەن «حاماس» اراسىنداعى قاقتىعىستى توقتاتۋعا شاقىرعان ب ۇ ۇ قاۋىپسىزدىك كەڭەسىنىڭ بىرلەسكەن مالىمدەمەسىن بۇعاقتادى، دەپ حابارلايدى The Times of Israel.

دۇيسەنبى كۇنى تاڭەرتەڭ يزرايل اسكەري ۇشاقتارى گازا قالاسىنىڭ بىرنەشە اۋدانىنا 80 اۋە سوققىسىن جاسادى. ونىڭ الدىندا «حاماس» اسكەريلەرى ءيزرايلدىڭ وڭتۇستىك جاعىنا زىمىراندار جىبەرگەن بولاتىن، دەپ حابارلايدى BBC.

ب ۇ ۇ- دا گازاداعى وتىن جەتىسپەۋشىلىگى تۋرالى ەسكەرتتى. بۇل اۋرۋحانالار مەن باسقا مەكەمەلەردە ەلەكتردىڭ وشىرىلۋىنە اكەلەدى. ب ۇ ۇ- نىڭ تاياۋ شىعىستاعى بەيبىت پروتسەسس بويىنشا ارنايى ۇيلەستىرۋشىسىنىڭ ورىنباسارى لينن حاستينگس يزرايل بيلىگىنە ب ۇ ۇ- عا وتىن مەن ماتەريالدار كىرگىزۋگە رۇقسات بەرۋىن سۇراعان. يزرايل بيلىگىنەن مۇنىڭ قاۋىپتى ەكەنى جونىندە جاۋاپ العان. قازىرگى كەزدە گازا سەكتورىنىڭ دەنساۋلىق ساقتاۋ مينيسترلىگىنىڭ دەرەگىنشە، انكلاۆتا قازا تاپقاندار سانى - 197 ادام، ولاردىڭ ىشىندە 58 بالا مەن 34 ايەل بار. 1 230 ادام جاراقات العان. تەل- اۆيۆ قازا تاپقاندار اراسىندا ونداعان اسكەريلەردىڭ بار ەكەندىگى تۋرالى حابارلاعان. يزرايلدە قازا تاپقاندار سانى - 10 ادام، اراسىندا ەكى بالا بار.

اۆتور: ءبيبىحان سەرىكوۆا