ولجاس سۇلەيمەنوۆ ادەبيەتتىڭ تاڭعاجايىپ فەنومەنى - الماتىدا اقىنعا ارنالعان كونفەرەنسيا ءوتىپ جاتىر
كونفەرەنسيانىڭ ماقساتى- ولجاس سۇلەيمەنوۆتىڭ ومىرىندەگى ادەبي، عىلىمي جانە قوعامدىق- ساياسي يدەيالار مەن قۇندىلىقتاردى ءتۇسىنۋ جانە زەرتتەۋ. شارا بارسىندا مەرەيتوي يەسى ولجاس سۇلەيمەنوۆ قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتى تۋعان كۇنىمەن قۇتتىقتادى.
«كەلىڭىزدەر، ءبارىمىز بىرگە سالەم جولدايىق جانە تۋعان كۇنمەن قۇتتىقتايىق!»، - دەدى اقىن. كەيىن كونفەرەنسيانىڭ بارلىق قاتىسۋشىلارى ولجاس سۇلەيمەنوۆتى مەرەيتويىمەن قۇتتىقتادى.
اتاپ ايتقاندا، قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى رايىمقۇلوۆا، ۋنيۆەرسيتەت رەكتورلارى، پروفەسسورلار، اقىنىڭ دوستارى مەن ارىپتەستەرى. كونفەرەنسيادا 3 سەسسيا جۇمىسى جوسپارلانعان. ونىڭ اياسىندا ولجاس سۇلەيمەنوۆتىڭ ءومىر جولىنداعى نەگىزگى باعىتتارىن جانە ونىڭ ادامزات تاريحىنداعى ءرولىن ۇعىنۋ جانە زەرتتەۋ ۇسىنىلادى: 1 سەسسيا - «ولجاس سۇلەيمەنوۆ: پلانەتارلىق پوەتيكا». سەسسيا اياسىندا ولجاس سۇلەيمەنوۆتىڭ ادەبي فەنومەنى مەن پوەزياسىن ۇعىنۋ.
2 سەسسيا- «ءسوز كودى: تاريح جانە لينگۆيستيكا». سەسسيا اياسىندا ولجاس سۇلەيمەنوۆتىڭ تاريحي-لينگۆيستيكالىق تۇجىرىمداماسىن جانە ونىڭ پەرسپەكتيۆالارىنىڭ دامۋىن تالقىلاۋ.
3 سەسسيا - «تاۋدى الاسارتپاي، دالانى اسقاقتاتۋ». سەسسيا اياسىندا ولجاس سۇلەيمەنوۆتىڭ ەلىمىزدەگى جانە الەمنىڭ قوعامدىق- ساياسي ومىرىندەگى ءرولىن ءتۇسىنۋ. اتالعان شارا ق ر مادەنيەت جانە سپورت مينيسترلىگى يۋنەسكو قامقورلىعىنداعى حالىقارالىق مادەنيەتتەردى جاقىنداستىرۋ ورتالىعى «مادەنيەتتەردى جاقىنداستىرۋدىڭ حالىقارالىق ونجىلدىعى» (2013-2022 ج ج.) اياسىندا الماتى قالاسىنىڭ اكىمدىگىمەن بىرلەسىپ ۇيىمداستىرىلدى.
ولجاس سۇلەيمەنوۆ - XX-XXI عاسىرلارداعى اسا كورنەكتى اقىن، بۇكىل الەمگە ءوزىنىڭ پوەزياسىمەن عانا ەمەس، قوعامدىق- سايامي قىزمەتىمەن دە تانىمال تۇلعا. ولجاس ومار ۇلى ءار جىلدارى قاز ك س ر جازۋشىلار وداعىن باسقارىپ، قازاق ك س ر كينەماتوگرافيا جونىندەگى مەملەكەتتىك كوميتەتىنىڭ ءتوراعاسى، كوپ جىل بويى قازك س ر جوعارعى كەڭەسىنىڭ دەپۋتاتى بولدى.
1995-2001 -جىلدارى ارالىعىندا ق ر-نىڭ يتاليا، گرەتسيا، مالتاداعى توتەنشە جانە وكىلەتتى ەلشىسى، 2001-2014 -جىلدارى - قازاقستاننىڭ يۋنەسكو-داعى تۇراقتى وكىلى بولدى.
ولجاس سۇلەيمەنوۆتىڭ پوەزياسى- ادەبيەتتىڭ تاڭعاجايىپ فەنومەنى. اقىننىڭ ءومىربايانى مەن ومىرشەڭدىگى اۆانگارد پوەتيكاسىن، دالا موتيۆتەرى مەن تەحنوگەندىك ءداۋىردىڭ كوسميزمىن، مادەنيەتتەردىڭ ديالوگى مەن ديالەكتيكاسىن - بىرىكتىرەدى.
ولجاس سۇلەيمەنوۆتىڭ ولەڭدەرى مەن پوەمالارى اعىلشىن، فرانسۋز، نەمىس، يسپان، چەح، پولياك، سلوۆاك، بولگار، ۆەنگر، موڭعول، قىرعىز، تۇرىك جانە باسقا دا تىلدەرگە اۋدارىلعان.
اۆتور: الما مۇقانوۆا