ەلىمىزدە مۇعالىم مەن شارۋاعا سۇرانىس ارتادى

None
None
نۇر-سۇلتان.قازاقپارات - 2025 -جىلعا دەيىن قازاقستاننىڭ ەڭبەك نارىعىنا قوسىمشا 1 ميلليونعا جۋىق جالدامالى جۇمىسكەر قاجەت بولادى.

ەڭبەك رەسۋرستارىن دامىتۋ ورتالىعى وسىنداي بولجاممەن ءبولىستى. زەرتتەۋ وڭ جانە تەرىس سەناري نەگىزىندە جاسالعان. وڭ بولجامعا ساي 5 جىلدا جالدامالى جۇمىسشىلارعا سۇرانىس 1,2 ميلليون ادامدى قۇرايدى. ال تەرىس سەناري بويىنشا 792 مىڭ ادام قاجەت بولادى. نەگىزىنەن ءبىلىم بەرۋ، اۋىل شارۋاشىلىعى جانە وڭدەۋ ونەركاسىبىندە جالدامالى جۇمىسكەرلەرگە سۇرانىس قالىپتاسادى. بولجام بويىنشا جاڭا ماماندار زەينەتكەرلىك جاسقا جەتكەن قىزمەتكەرلەردى الماستىرۋ ءۇشىن كەرەك بولادى. ال جۇمىسسىزدىق دەڭگەيى بيىل جانە كەلەر جىلى %5 كە جەتۋى مۇمكىن. جالپى قازىر ەلىمىزدە 7 ميلليونعا جۋىق جالدامالى جۇمىسشى بار. ال ەكى ميلليون قازاقستاندىق ءوزىن -ءوزى جۇمىسپەن قامتىپ وتىر. ەگىستىكتەردەن مول ءونىم تۇسەدى دەگەن بولجامدارعا قاراماستان ازىق- تۇلىكتىڭ الەمدىك باعاسى وسە بەرەدى. ەكونوميكالىق ساراپشىلار وسىنداي پىكىردە.

ا ق ش اۋىل شارۋاشىلىعى مينيسترلىگىنىڭ جاڭا ەسەبىن جاريالاعاننان كەيىن تاۋارلاردىڭ بەلگىلى ءبىر توپتارىنا باعانىڭ ءوسۋى باياۋلادى. ال كەيبىر تاۋارلاردىڭ قۇنى تومەندەدى. مىسالى، «جۇگەرى وتكەن اپتادا بەس جىلدىق ورتاشا باعاسىنان ەكى ەسە قىمباتقا ساتىلدى» دەپ اتاپ ءوتتى ساراپشى.

بيداي مەن سويا باعاسى قۇبىلعان جوق. ساراپشىلاردىڭ پىكىرىنشە، باعانىڭ ودان ءارى وسۋىنە بىرنەشە سەبەپ بار. سونىڭ ءبىرى ا ق ش مينيسترلىگىنىڭ تىم وپتيميستىك تۇرعىدان بولجام جاساۋى. ادەتتە ولار مامىر ايىندا ەگىس ونىمدىلىگىن وتە جوعارى باعالايدى. سوسىن جىل سوڭىنا دەيىن ول كورسەتكىش القاپتارداعى جاعدايعا قاراي تۇراقتالادى. جالپى بيىل برازيليادا قۇرعاقشىلىق، ال ا ق ش پەن ەۋروپادا ىلعالدى جانە سۋىق اۋا رايى بايقالادى.

بۇل شارۋالاردىڭ جۇمىسىنا كەدەرگى كەلتىرۋدە. وتاندىق قارجى نارىعىنداعى ساۋدا- ساتتىق ناتيجەسى بويىنشا دوللار 428 تەڭگە 71 تيىن، ەۋرو 519 تەڭگە 12 تيىن، رۋبل 5 تەڭگە 79 تيىن.


www.24.kz


سوڭعى جاڭالىقتار