قىتايداعى كوروناۆيرۋس جۇقتىرۋدىڭ جاڭا وقيعالارى تۇرعىندار اراسىندا دۇربەلەڭ تۋعىزدى

بەيجىڭ. قازاقپارات - قىتايدىڭ انحوي جانە لياونين پروتسينتسيالارىندا COVID-19 جۇقتىرۋدىڭ جاڭا وقيعالارى جەرگىلىكتى تۇرعىندار اراسىندا دۇربەلەڭ تۋعىزىپ، كوروناۆيرۋسقا قارسى جاپپاي ەكپە سالعىزۋىنا سەبەپشى بولدى، دەپ حابارلايدى قازاقپاراتتىڭ مەنشىكتى ءتىلشىسى Global Times گازەتىنە سىلتەمە جاساپ.

قىتايدىڭ الەۋمەتتىك جەلىلەرىندە انحوي پروۆينتسياسىنىڭ حەفەي قالاسىنداعى اۋرۋحانالاردىڭ بىرىندەگى ەكپە سالدىرتۋ پۋنكتىنىڭ قاسىندا ورناعان ادام كەزەگىن كورسەتكەن ۆيدەو شىقتى. وتكەن جۇما كۇنى حەفەي قالاسىندا COVID-19 ۆيرۋسىنا قارسى 364 مىڭنان استام ۆاكسينا ەگىلگەن. بۇل ءبىر كۇندە سالىنعان ەكپەلەر سانى بويىنشا رەكوردتىق كورسەتكىش بولدى.

قىتايدىڭ ەكى پروۆينسياسىنداعى 12 گە جۋىق ەلدى مەكەن ورتاشا قاۋىپتەگى ەپيدەميولوگيالىق ايماقتار ساناتىنا اۋىستىرىلدى. بۇل كوروناۆيرۋس جۇقتىرۋدىڭ جاڭا راستالعان وقيعالارىنىڭ انىقتالۋىنا بايلانىستى بولعان. جۇما كۇنگى مالىمەت بويىنشا، انحوي جانە لياونين پروۆينتسيالارىندا كوروناۆيرۋسقا شالدىعۋدىڭ جەتى وقيعاسى تىركەلدى.