يزرايل اۋە كۇشتەرى گازاداعى امەريكا مەن كاتاردىڭ اقپاراتتىق اگەنتتىگىنىڭ كەڭسە عيماراتىن جويدى

None
None
گازا. انادولى - قازاقپارات - كەشە يزرايلدىڭ اسكەري اۋە كۇشتەرى گازاداعى امەريكالىق Associated Press اقپاراتتىق اگەنتتىگى مەن كاتاردىڭ Al Jazeera تەلەارناسىنىڭ كەڭسەلەرى ورنالاسقان بيىك عيماراتقا اۋە سوققىسىن جاسادى،

دەپ حابارلايدى قازاقپارات «انادولى» اگەنتتىگىنە سىلتەمە جاساپ.

ودان بولەك، «انادولى» اگەنتتىگىنىڭ دەرەگىنشە، عيماراتتا مەديتسينالىق پۋنكتتەر، ادۆوكاتتىق كەڭسەلەر مەن كوپتەگەن پاتەرلەر بولعان. 13 قاباتتى عيماراتتا پالەستينا انكلاۆىنىڭ ءبىرقاتار اۋداندارىن ينتەرنەتپەن قامتيتىن مۇنارالار ورناتىلعان. گازاداعى Al Jazeera ءتىلشىسى ۆايل ال- داحدۋح اۋە سوققىسى الدىندا يزرايل قورعانىس اسكەرىنىڭ (ساحال) عيماراتتى ەۆاكۋاتسيالاۋعا ءبىر ساعات بەرگەنىن اتاپ ءوتتى.

10 - مامىردا گازا سەكتورىنداعى پالەستينالىق قارسىلىق توپتارى يزرايل پوليتسياسىنان شىعىس يەرۋساليمدەگى باسىپ الىنعان ءال- اقسا مەشىتىنىڭ اۋماعى مەن شەيح دجارراح كۆارتالىنان جەرگىلىكتى ۋاقىت بويىنشا 18:00-گە دەيىن كەتۋدى تالاپ ەتتى. يزرايل پوليتسياسى بۇل شارتتى ورىنداۋدان باس تارتقان سوڭ، پالەستيندىك توپتار يزرايلگە قاراي زىمىراندار ۇشىردى. وسىدان كەيىن يزرايل ارمياسى گازا سەكتورىنا قارسى «قابىرعالاردى قورعاۋشى» دەپ اتالاتىن اسكەري وپەراتسيانىڭ باستالعانىن حابارلادى

اۆتور: ايجان سەرىكجان قىزى

سوڭعى جاڭالىقتار