بۇگىن - حالىقارالىق وتباسى كۇنى

None
None
نۇر- سۇلتان. قازاقپارات – 15 - مامىر - حالىقارالىق وتباسى كۇنى. اتاۋلى داتا 1993 -جىلدان باستاپ ب ۇ ۇ باس اسسامبلەياسىنىڭ قارارىنا سايكەس جىل سايىن اتاپ وتىلەدى.

بۇل كۇندى بەلگىلەۋ - وتباسىنداعى كوپتەگەن پروبلەمالارعا ەلدەگى قوعامنىڭ نازارىن اۋدارا ءتۇسۋ ماقساتىن كوزدەيدى.

ب ۇ ۇ ساراپشىلارىنىڭ پىكىرى بويىنشا، ءبىر وتباسىنداعى نەگىزگى قۇقىقتارعا كوز جۇما قاراۋ، ونداي پروبلەمالاردى ەلەمەي، قۇقىقتى بەلدەن باسۋ - تۇتاستاي ادامزاتتىق وتباسىنا دا قاۋىپ توندىرە تۇسەدى. بۇل كۇندى بەلگىلەۋ الەمدىك قاۋىمداستىقتىڭ وتباسىنىڭ قازىرگى جاعدايى مەن ونىڭ قوعام ومىرىندەگى جانە وسكەلەڭ ۇرپاق تاربيەسىندەگى ماڭىزىنا الاڭداۋشىلىق تۋعىزۋىنا وراي جۇزەگە اسىپ وتىر.

ادام ءومىرى وتباسىنان باستالادى، ازامات بولىپ قالىپتاسۋى دا وسىندا ءوربيدى. وتباسى - سۇيىسپەنشىلىكتىڭ، قۇرمەت پەن ىنتىماقتاستىقتىڭ وشاعى، ياعني كەز كەلگەن زيالى قوعامنىڭ دىڭگەگى. وتباسىنىڭ امان- ساۋلىعى - ءار ەلدىڭ دامۋى مەن كەلەشەگىنىڭ ولشەمى. وتباسى - تابيعات سىيلاعان كەرەمەتتەردىڭ ءبىرى. جەكە ادامنىڭ بويىنداعى ار- ۇياتىن، اقىل- ويىن، ادامگەرشىلىگىن، مادەنيەتتىلىگىن تاربيەلەۋدە وتباسى - العاشقى قادام.

وتباسى - وتە قاجەت، باسقاداي ەش نارسەمەن وزگەرتۋگە بولمايتىن باسپالداق. وتباسىندا ادام بويىنداعى اسىل قاسيەتتەر جارقىراي كورىنىپ، قالىپتاسادى. وتانعا دەگەن ىستىق سەزىم - جاقىندارىنا، تۋعان- تۋىسقاندارىنا دەگەن سۇيىسپەنشىلىكتەن باستالادى. سول سەبەپتى دە ءبىز وتباسىن وتاننىڭ كىشكەنتاي ءبىر بولشەگى رەتىندە قاراستىرامىز.

اۆتور: زارينا قاھارمان

سوڭعى جاڭالىقتار