+7 (701) 759 90 19
31 °С : نۇر-سۇلتان
28 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

فۋتبولدان قازاقستان بىرىنشىلىگى: «استانا» قاتارىنان سەگىزىنشى رەت جەڭىسكە جەتتى

14 مامىر 22:53
:ءبولىسۋ
فۋتبولدان قازاقستان بىرىنشىلىگى: «استانا» قاتارىنان سەگىزىنشى رەت جەڭىسكە جەتتى

نۇر-سۇلتان. قازاقپارات - بۇگىن فۋتبولدان پرەمەر-ليگا كوماندالارى اراسىنداعى ەل بىرىنشىلىگى ون ءبىرىنشى تۋرىنىڭ العاشقى ويىن كۇنى اياقتالدى، دەپ حابارلايدى قازاقپارات ءتىلشىسى.

بۇگىنگە بەلگىلەنگەن كەزدەسۋلەر ەلوردالىق «استانا» مەن تالدىقورعاننىڭ «جەتىسۋ» جۇبىنىڭ ويىنىمەن مارەسىنە جەتتى.

تۋرنير كەستەسىندە العاشقى جانە سوڭعى ورىندا تۇرعان كوماندالار كەزدەسۋىن جانكۇيەرلەر اسىعا كۇتكەن انىق. ويىن تاعدىرىن جالعىز گول شەشتى. ونى 4-مينۋتتا ەلوردالىق فۋتبولشى مارين توماسوۆ ءوزىنىڭ ەنشىسىنە جازدى.

بۇدان كەيىن ەسەپتى وزگەرتەتىن بىرنەشە مۇمكىندىك بولعان ەدى. ويىن سوڭىنا دەيىن تابلوداعى ەسەپ وزگەرگەن جوق.

وسىلايشا «استانا» قارسىلاسىن 1:0 ەسەبىمەن تىزە بۇكتىردى. ەلوردالىق كلۋب قاتارىنان سەگىزىنشى مارتە جەڭىسكە جەتىپ وتىر.

بۇگىنگى جەڭىستەن كەيىن «استانا» 29 ۇپايعا جيناپ، ءبىرىنشى ورىندا تۇر. ودان كەيىنگى ورىنداعى «توبىلدىڭ» 21، «اقجايىقتىڭ» 18 ۇپايى بار.

ەستەرىڭىزگە سالا كەتەلىك، بۇعان دەيىن اتالعان تۋردا ەكى ويىن وتكىزىلدى.

الدىمەن «تۇران» سىرت الاڭدا قاراعاندىلىق «شاحتەردى»، ودان كەيىن ورالدىڭ «اقجايىعى» ءوز الاڭىندا الماتىنىڭ «قايراتىن» 1:0 ەسەبىمەن جەڭدى.

ال ءۇشىنشى ويىندا «اقتوبە» مەن «قايسار» تەڭ ءتۇستى. ال 15- مامىردا ساعات 15:00 دە «قىزىلجار» (پەتروپاۆل) مەن «كاسپي» (اقتاۋ) كەزدەسسە، 17:00 دە «ورداباسى» (شىمكەنت) مەن «توبىل» (قوستاناي) كوماندالارى شەبەرلىك بايقاسادى.

اتالعان تۋردى ساعات 19:00-دە «اتىراۋ» جانە «تاراز» كەزدەسۋى تۇيىندەيدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات