+7 (701) 759 90 19
31 °С : نۇر-سۇلتان
28 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

مينيستر «قازاق فيلمدەگى» جوندەۋ جۇمىسى قاشان بىتەتىنىن ايتتى

14 مامىر 17:56
:ءبولىسۋ
مينيستر «قازاق فيلمدەگى» جوندەۋ جۇمىسى قاشان بىتەتىنىن ايتتى

نۇر- سۇلتان. قازاقپارات - مادەنيەت جانە سپورت ءمينيسترى اقتوتى رايىمقۇلوۆا ەل الدىنداعى ەسەبى كەزىندە «قازاقفيلم» اكسيونەرلىك قوعامىنداعى جاڭعىرتۋ جۇمىستارىنىڭ قالاي ءجۇرىپ جاتقانى تۋرالى مالىمەت بەردى ، دەپ حابارلايدى قازاقپارات ءتىلشىسى.

«2021 -جىلدان باستاپ شاكەن ايمانوۆ اتىنداعى «قازاقفيلم» اكسيونەرلىك قوعامىندا جاڭعىرتۋ جۇمىسى باستالدى. ول ءۇش جىل بويى جالعاسادى. جوبا كينوستۋديانى تەحنيكالىق قايتا جاراقتاندىرۋدى، ينجەنەرلىك جەلىلەر مەن عيماراتتارعا كۇردەلى جوندەۋ جۇرگىزۋدى، سونداي- اق ءتۇسىرىلىم الاڭىن سالۋدى جانە باسقالاردى كوزدەيدى. اتالعان شارالار كينوستۋديانى ءوزىن- ءوزى تولىق قامتاماسىز ەتۋگە جانە زاماناۋي كينو فابريكاسى رەتىندە جۇمىس ىستەۋگە مۇمكىندىك بەرەدى»، - دەدى مادەنيەت جانە سپورت ءمينيسترى حالىقپەن كەزدەسۋ بارىسىندا.

ول قازىر پاندەمياعا بايلانىستى شەكتەۋلەردىڭ اسەرىنەن ءتۇسىرىلىم پروتسەسى توقتاتىلعانىن ەسكە سالدى.

«شەكتەۋلەرگە قاراماستان، 2020 -جىلى دەمەۋشىلىك كومەك ەسەبىنەن نىسانعا كوگىلدىر وتىن تارتىلدى. بۇل شامامەن 50 ميلليون تەڭگەنى ۇنەمدەۋگە مۇمكىندىك بەردى. 2020 -جىلدىڭ باسىنان بۇگىنگى كۇنگە دەيىن «قازاقفيلم» ا ق 65 حالىقارالىق كينوفەستيۆالگە قاتىسىپ، 32 سىيلىققا يە بولعان 27 فيلم شىعاردى. بيىل 14 فيلم جەتى حالىقارالىق كينوفەستيۆالگە قاتىستى»، - دەدى اقتوتى رايىمقۇلوۆا.

مادەنيەت ءمينيسترى اقان ساتايەۆتىڭ «توميريس» فيلمى 2020 -جىلى L'Еtrange Festival

كينوفەستيۆالىندە گران- پري الۋىن وتاندىق كينو يندۋسريانىڭ جەتىستىگى دەپ اتادى.

«تاۋەلسىز قازاقستان تاريحىندا تۇڭعىش رەت «توميريس» فيلمىندە تريۋك ويناعان Nomad Stunts كاسكادەرلىك توبى الەمدىك كاسكادەرلەر اكادەمياسىنىڭ «تاۋرۋس» سىيلىعىن الدى. ت م د- داعى كانن فەستيۆالى سىيلىعىنىڭ جالعىز يەگەرى قازاقستاندىق اكتريسا سامال ەسلياموۆا «نيكا» رەسەيلىك ۇلتتىق كينوجۇلدەسىندە «ۇزدىك ايەل ءرولى» ءۇشىن ماراپاتقا يە بولدى»، - دەپ قوستى اقتوتى رايىمقۇلوۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات