+7 (701) 759 90 19
15 °С : نۇر-سۇلتان
24 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

الاكول جاعالاۋىنا نۇر- سۇلتاننان ۇشاق كۇندەلىكتى قاتىنايدى

14 مامىر 17:40
:ءبولىسۋ
الاكول جاعالاۋىنا نۇر- سۇلتاننان ۇشاق كۇندەلىكتى قاتىنايدى

تالدىقورعان. قازاقپارات - بۇگىن نۇر- سۇلتاننان بەت العان 80 ورىندىق «Bombardier DASH 8 Q400» ۇشاعى الماتى وبلىسى، ءۇشارال قالاسىنىڭ اۋەجايىنا قوندى. ازىرگە بۇل باعىت بويىنشا ۇشاق اپتاسىنا ءتورت رەت قاتىنايدى، دەپ حابارلايدى قازاقپارات ءتىلشىسى.

قازىرگى تاڭدا ءۇشارال اۋەجايىندا جۇمىس جاندانۋدا. سونداي- اق بۇگىن الماتى قالاسىنان 18 جولاۋشى ۇشىپ كەلدى. كەرى باعىتقا 29 ادام بيلەت العان.


ايتا كەتەيىك، «الماتى - ءۇشارال - الماتى» (كۇندەلىكتى)، «نۇر- سۇلتان - ءۇشارال - نۇر- سۇلتان» (اپتاسىنا ءتورت رەت) جانە «تالدىقورعان - ءۇشارال - تالدىقورعان» (كۇندەلىكتى) باعىتتارى بويىنشا اۋە كەمەسى جولاۋشىلاردى تاسىمالدايدى. ال 1- ماۋسىمنان باستاپ «نۇر- سۇلتان- ءۇشارال - نۇر- سۇلتان» ۇشاعى كۇندەلىكتى قاتىنايتىن بولادى.

بيلەت قۇنى رەسپۋبليكالىق جانە وبلىستىق بيۋدجەتتەن سۋبسيديالانعاندىقتان، جولاۋشىلار ءۇشىن ءتيىمدى. مىسالى، نۇر- سۇلتاننان ءۇشارالعا بيلەت باعاسى - 16 مىڭ تەڭگە، الماتىدان - 15 مىڭ، ال تالدىقورعان قالاسىنان 8 مىڭ تەڭگە تۇرادى.

«جولاۋشىلاردىڭ قاۋىپسىزدىگى مەن جايلى ساپارى ءۇشىن بارلىق جۇمىس اتقارىلۋدا. ءبىزدىڭ قىزمەتكەرلەردىڭ بارلىعى بىلىكتىلىگىن ارتتىرىپ، ارنايى سەرتيفيكاتتارىن الدى. قازىرگى ەپيدەميولوگيالىق جاعدايعا بايلانىستى بارلىق سانيتارلىق تالاپتار ساقتالاتىن بولادى»، - دەدى «جەتىسۋ» اۆياكومپانياسىنىڭ پرەزيدەنتى قالمۇحامەت دونسەبايەۆ.

ەسكە سالايىق، بۇعان دەيىن نۇر- سۇلتان مەن الماتىدان الاكولگە قاتىنايتىن پويىز كەستەلەرى بەكىتىلگەن بولاتىن.

اۆتور: سامال قابىشيەۆا



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات