+7 (701) 759 90 19
15 °С : نۇر-سۇلتان
24 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

قالىڭ قازاقتى تولعاندىرعان ماسەلەگە پرەزيدەنت نۇكتە قويدى

14 مامىر 13:01
:ءبولىسۋ
قالىڭ قازاقتى تولعاندىرعان ماسەلەگە پرەزيدەنت نۇكتە قويدى

نۇر-سۇلتان. قازاقپارات - كەشە مەملەكەت باسشىسى قاسىم-جومارت توقايەۆ «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى.

وسىلايشا، قازاق قوعامىن جىلدار بويى تولعاندىرعان جەر ماسەلەسى تۇبەگەيلى شەشىمىن تاپتى.

قازاقستان پرەزيدەنتى جەر ماسەلەسى مەن ەل ماسەلەسىنىڭ، ياعني ءوزى ايتقان «حالىق ۇنىنەن قۇلاق اساتىن مەملەكەت» تۇجىرىمداماسىمەن وزەكتەس ەكەندىگىن تاعى ءبىر مارتە اڭعارتتى. مەملەكەتشىلدىك ساياساتىنىڭ بىرىزدىلىكپەن جۇزەگە اساتىنىن، ونىڭ ناتيجەسى حالىقتىڭ ويىمەن قاشاندا ۇندەسەتىنىن تاعى ءبىر مارتە دالەلدەدى.

ەل پرەزيدەنتى قاسىم-جومارت توقايەۆ «جاڭا جاعدايداعى قازاقستان: ءىس قيمىل كەزەڭى» اتتى قازاقستان حالقىنا جولداۋىندا «جەرىمىز شەتەلدىكتەرگە ساتىلمايدى. ءبىراق ۇكىمەت اۋىل شارۋاشىلىعى جەرلەرىن تولىققاندى ەكونوميكالىق اينالىمعا ەنگىزۋدىڭ وزگە ءادىس- تاسىلدەرىن ازىرلەۋگە ءتيىس» دەسە، ۇلتتىق قوعامدىق سەنىم كەڭەسىنىڭ V وتىرىسىندا سويلەگەن سوزىندە: «حالقىمىز ءۇشىن جەر ماسەلەسى قاشاندا اسا ماڭىزدى. بۇل - مەملەكەتتىگىمىزدىڭ بەرىك نەگىزى جانە قاسيەتتى سيمۆولى. قازاقتىڭ جەرى شەتەلدىكتەرگە ساتىلمايدى دەپ بىرنەشە رەت ايتتىم. بۇل ماسەلەگە قاتىستى قاۋەسەتتەردى توقتاتۋ قاجەت»، دەگەن بولاتىن.

ءسويتىپ پرەزيدەنت شەتەلدىكتەرگە جانە شەتەلدىك زاڭدى تۇلعالارعا اۋىل شارۋاشىلىعى جەرلەرىن ساتۋعا، جالعا بەرۋگە زاڭ جۇزىندە ءبىرجولا تىيىم سالۋدى تاپسىردى. بۇل پرەزيدەنتتىڭ زاڭ شىعارۋ باستاماسى ارقىلى جەدەل تۇردە جۇزەگە اسىرىلۋى قاجەت دەپ تاۋىپ، پرەزيدەنت اكىمشىلىگىنە ءدال وسى ماسەلەگە بايلانىستى ءتيىستى زاڭ جوباسىن ازىرلەۋدى تاپسىردى. مەملەكەت باسشىسىنىڭ تاپسىرماسىنا سايكەس پارلامەنت اتالعان زاڭ جوباسىن قىسقا مەرزىمدە قابىلدادى.

Egemen Qazaqstan


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات