قازاقستان ىنتىماقتى زەينەتاقى جۇيەسىنە ورالا ما

نۇر- سۇلتان. قازاقپارات - قازاقستاننىڭ كوپدەڭگەيلى زەينەتاقى جۇيەسى حالىقارالىق ستاندارتتارعا ساي كەلەدى. بۇل جايىندا ءماجىلىس دەپۋتاتتارىنىڭ ساۋالىنا ق ر پرەمەر- ءمينيسترى اسقار ءماميننىڭ جاۋابىندا ايتىلعان، دەپ حابارلايدى قازاقپارات ءتىلشىسى.

ە ى د ۇ حالىقارالىق ينستيتۋتتارى مەن دۇنيەجۇزىلىك بانك پايىمىنشا، تۇرعىندار قارتايۋىنىڭ جاھاندىق پروتسەسى جانە ولاردىڭ جۇمىسقا قابىلەتتى بولىگىنە جۇكتەمەنىڭ ارتۋى جاعدايىندا زەينەت جاسىنداعى حالىقتىڭ بازالىق قاجەتتىلىگىن قامتاماسىز ەتۋدەگى جۇمىسشىنىڭ، جۇمىس بەرۋشىنىڭ جاۋاپكەرشىلىگى جانە مەملەكەتتىك مىندەتتەمەسى بار كوپدەڭگەيلى زەينەتاقى جۇيەسىنىڭ بارىنشا ءتيىمدى جانە تۇراقتى ەكەندىگى مويىندالادى. ايتالىق، Melbourne Mercer Global Pension Index MMGPI جاھاندىق زەينەتاقى يندەكسىنە سايكەس، 2019 -جىلى الەمنىڭ الدىڭعى قاتارلىق زەينەتاقى جۇيەسىنىڭ ۇزدىك 30 ەلىنە جيناقتاۋشى زەينەتاقى جۇيەسى بار دانيا، اۆستراليا، چيلي، سينگاپۋر مەملەكەتتەرى كىردى»، - دەدى ۇكىمەت باسشىسى.

ونىڭ اتاپ وتۋىنشە، قازىرگى ۋاقىتتا قازاقستاننىڭ كوپدەڭگەيلى زەينەتاقى جۇيەسى حالىقارالىق ستاندارتتارعا ساي كەلەدى.

«ىنتىماقتى زەينەتاقى جۇيەسىنە تولىقتاي قايتا ورالۋ ءبىرقاتار پروبلەما تۋىنداتاتىندىعىن اتاپ وتكەن ءجون. بىرىنشىدەن، مەملەكەتتىك بيۋدجەتكە جۇكتەمە ايتارلىقتاي ارتادى. ۇلتتىق بانك اقپاراتىنا سايكەس، ىنتىماقتى زەينەتاقى جۇيەسىنە ورالعان جاعدايدا 2021 -جىلدان باستاپ زەينەتاقى تولەۋگە ارنالعان بيۋدجەت شىعىستارى 3,2 ەسەگە ۇلعايادى. بۇل رەتتە جالپى ىشكى ونىمنەن پايىزعا شاققانداعى شىعىستار 3,3 پايىزدان 11 پايىزعا دەيىن ارتادى. ۇزاقمەرزىمدى كەلەشەكتە، 2050 -جىلعا قاراي زەينەتاقى تولەۋگە ارنالعان مەملەكەتتىك بيۋدجەت شىعىستارى زەينەتاقى جۇيەسىنىڭ قولددانىستاعى پارامەترلەرى كەزىندەگى شىعىستارمەن سالىستىرعاندا 10 ەسەگە كوبەيەدى»، - دەدى اسقار مامين.

ۇكىمەت باسشىسىنىڭ دەرەگىنشە، ىنتىماقتى جۇيەگە تولىق كوشكەن جاعدايدا جالاقىدان ۇستالاتىن 10 پايىز مولشەرىندەگى جارنالاردىڭ جىلدىق كولەمى 2021 -جىلى زەينەتاقى تولەمدەرىنىڭ 1/8 عانا، ال 2050 -جىلى 1/12 بولىگىن عانا جابادى.

«ەكىنشىدەن، قازاقستاندا ءومىر ءسۇرۋ ۇزاقتىعىنىڭ ۇزارۋى جاعدايىندا كەلەشەكتە، 2050 -جىلعا دەيىن الەۋەتتى قولداۋ كوەففيتسيەنتى ايتارلىقتاي تومەندەيدى. مۇنداي جاعدايدا زەينەتاقىمەن قامتاماسىز ەتۋدىڭ قارجى كوزى نە سالىقتاردى، نە مىندەتتى زەينەتاقى جارناسى (جۇمىسشىنىڭ نەمەسە جۇمىس بەرۋشىنىڭ ەسەبىنەن) مولشەرىن كوتەرۋ قاجەت بولادى»، - دەدى پرەمەر- مينيستر.