+7 (701) 759 90 19
USD 425.95 EUR 495.12
RUB 6 CNY 66.6
جاڭالىقتار

«ادال جۇرەك» قايىرىمدىلىق جوباسى: اقمولالىق وتباسى باسپانالى بولدى

14 مامىر 07:02
:ءبولىسۋ
«ادال جۇرەك» قايىرىمدىلىق جوباسى: اقمولالىق وتباسى باسپانالى بولدى

كوكشەتاۋ. قازاقپارات - اقمولا وبلىسىندا تاۋەلسىزدىكتىڭ 30 جىلدىعى قارساڭىندا «30 قايىرىمدى ءىس» اكسياسى جانە «ادال جۇرەك» جوباسى ارقىلى اقمولالىق وتباسى باسپانالى بولدى، دەپ حابارلايدى قازاقپارات ءتىلشىسى.

قۇنى 5 ميلليون تەڭگە تۇراتىن ءۇش بولمەلى پاتەردىڭ كىلتى ەرەيمەنتاۋ اۋدانىنداعى كەنجەبايەۆتار وتباسىنا تاپسىرىلدى.

«ءبىز قازاقستاننىڭ ءار وڭىرىنەن جينالىپ، وسىنداي قايىرىمدىلىقتى ماقسات ەتىپ «ادال جۇرەك» دەگەن جوبانى ىسكە اسىرۋعا بەل بۋدىق. ءبىز - 25 ادام قولىمىزدان كەلگەنشە حالىقتى مەيرىمدىلىككە ۇگىتتەپ، قوعامدىق ورىنداردا جاشىكتەر قويىپ، وزدەرىمىز دە شاما كەلگەنشە وسى قايىرىمدى شاراعا اتسالىسۋعا حالىقتى شاقىرىپ، قوماقتى سوما جينادىق. جينالعان اقشانى تەك مۇقتاج جاندارعا ۇلەستىرىپ، وسى ەرەيمەنتاۋ اۋدانىندا تۇراتىن كەنجەبايەۆتار وتباسىنا پاتەر الۋدى شەشتىك»، - دەدى جوبا قاتىسۋشىسى.

اقمولا وبلىستىق ىشكى ساياسات باسقارماسىنان اتاپ وتكەندەي، اتالمىش شارا ەگەمەندى ەلدىڭ ىنتىماعىن تانىتىپ، ادامي قاسيەتتىڭ شىڭى بولعان «قايىرىمدىلىق» سىندى قۇندىلىقتىڭ ايقىن كورىنىسى.

«وتە قۋانىشتىمىز! كۇتپەگەن جەردەن باسپانالى بولدىق. «ادال جۇرەك» جوباسىن ۇيىمداستىرعان ادامدارعا مىڭ العىس ايتامىن. كوپ راحمەت!»، - دەپ ريزاشىلىق ءبىلدىردى كەنجەبايەۆتار جانۇياسىنىڭ وتاناسى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات