قازاقستاندا ازىق-تۇلىك باعاسىنىڭ ءوسۋ سەبەبى ءتۇسىندىرىلدى
ونىڭ ايتۋىنشا، جىل باسىنان بەرى ازىق-تۇلىك باعاسى %4,8 عا وسكەن.
«قىمباتتاۋدىڭ نەگىزگى سەبەبى - يمپورتتىق ونىمدەرگە باعانىڭ ءوسۋى بولىپ وتىر. بىزدە ءبىرقاتار ءونىم بويىنشا يمپورتقا تاۋەلدىلىك بار، مىسالى قانت يمپورتىنا - %60، قاراقۇمىققا - %11، كۇنباعىس مايىنا - %22، تاۋىق ەتىنە - %20.
وسى پوزيتسيالاردا باعانىڭ ەڭ جوعارى وسۋىنە جول بەرىلگەن. ءبىز ءوز كەزەگىمىزدە باعانىڭ قىمباتتاۋىنىڭ ەكونوميكالىق سەبەپتەرىن كورىپ وتىرمىز جانە جەدەل سيپاتتاعى ءبىرقاتار شارا قابىلدادىق.
تالداۋ قورىتىندىسى بويىنشا، نارىق قاتىسۋشىلارىنا باعانىڭ تومەندەتۋ تۋرالى 48 ەسكەرتۋ جىبەرىلدى. بۇل ەسكەرتۋلەردىڭ شامامەن %70 ەرىكتى تۇردە ورىندالدى جانە باعالار تومەندەتىلدى.
بۇگىندە باعانىڭ ءوسۋ قارقىنى %0,6 دان %0,2 عا دەيىن تومەندەدى»، - دەدى ر. احمەتوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
بۇعان دەيىن سپيكەر «باسەكەلەستىكتى دامىتۋ جونىندەگى ۇلتتىق جوبانىڭ» نەگىزگى باعىتتارىن ايتىپ بەرگەن ەدى.