USD 434.24 EUR 492.69
RUB 5.67 CNY 68.46
جاڭالىقتار

قازاقستاندا باسپانا باعاسى تۇراقتاندى

13 مامىر 22:08
:ءبولىسۋ
قازاقستاندا باسپانا باعاسى تۇراقتاندى

نۇر-سۇلتان. قازاقپارات - ق ر باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى رۋستام احمەتوۆ باسپانا باعاسىنىڭ ءوسۋىن تەجەۋ ءۇشىن قانداي شارالار جۇرگىزىلگەنىن ايتىپ بەردى، دەپ حابارلايدى قازاقپارات.

«جىل باسىنان بەرى باستاپقى تۇرعىن ءۇيدىڭ باعاسى %5 ءوستى. قازىر ديناميكا تومەندەدى. سوڭعى ايدا شامامەن %0,8 عا ءوسىم بايقالدى. تۇرعىن ءۇي نارىعىنداعى باعا قىمباتتاۋىنىڭ نەگىزگى سەبەبى - نارىققا 1 تريلليون 200 ميلليارد تەڭگە زەينەتاقى اكتيۆتەرىنىڭ ءتۇسۋى ەدى. ءبىز باعانىڭ ءوسۋىن تەجەۋ ءۇشىن ءۇي سالۋشىلارعا باعانىڭ تومەندەۋى تۋرالى 11 ەسكەرتۋ جىبەردىك، ولارمەن كەلىسسوزدەر جۇرگىزدىك جانە قازىر تۇرعىن ءۇي باعاسىنىڭ ديناميكاسى تۇراقتانعانىن بايقاپ وتىرمىز»، - دەدى ر. احمەتوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، ول «بيرجالىق ساۋدانىڭ ەنگىزىلۋىنە بايلانىستى بەنزين باعاسىنىڭ ءوسۋى مۇمكىن بە؟» دەگەن سۇراققا جاۋاپ بەردى.

«قازىرگى ۋاقىتتا مۇناي ونىمدەرىنىڭ ءوندىرىسى تۇتىنۋ كولەمىن تولىعىمەن جابادى. تۇتىنۋ جاعدايىندا دا اتىراۋ، شىمكەنت زاۋىتتارىنداعى مۇناي ونىمدەرىنىڭ قورلارى سۇرانىستى قاناعاتتاندىرۋعا جەتكىلىكتى. بىزدە بەنزين تاپشىلىعى جوق ەكەنىن ەسكەرسەك، بيرجالىق ساۋدا-ساتتىقتىڭ ەنگىزىلۋىنە بايلانىستى باعانىڭ كۇرت وسۋىنە ەش نەگىز جوق»، - دەپ جاۋاپ بەردى اگەنتتىك وكىلى.

بۇعان دەيىن ر. احمەتوۆ ازىق-تۇلىك باعاسىنىڭ قىمباتتاۋ سەبەپتەرىن تۇسىندىرگەن ەدى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات