الەمدەگى ەڭ قىمبات زاتتار

نۇر-سۇلتان. قازاقپارات - جەر بەتىندەگى ەڭ قىمبات زاتتىڭ نە ەكەنىن ءبىر ءسات ويلانىپ كوردىڭىز بە؟

پلانەتامىزداعى قىمبات زات التىن نەمەسە الماز ەمەس. ءتىپتى نەشە مىڭ جىلدىق تاريحى بار كونە جادىگەرلەر دە ءبىز جازعالى وتىرعان زاتتاردىڭ قاسىندا ارزان.

بۇل ماتەريالدا ءبىز الەمدەگى ەڭ قىمبات زاتتاردىڭ ءتىزىمىن جاسادىق.

شافران - ءبىزدىڭ تىزىمدەگى التىننان ارزانىراق وسى دامدەۋىشتىڭ 1 گرامى 11 دوللار تۇرادى. ول نەگىزىنەن تاعامعا ءدام، حوش ءيىس جانە بوياۋ بەرۋ ءۇشىن اسۇيدە قولدانىلادى.

التىننىڭ يكەمدىلىگى سونشالىق، ءتىپتى ونىڭ ءبىر ۋنتسياسىن (31,1 گرام) تىگىن جىبىنە اينالدىرىپ، 80 شاقىرىمعا سوزۋعا بولادى. وسى اسىل مەتالدىڭ 1 گرامىنىڭ باعاسى شامامەن - 56 دوللار تۇرادى.

پلاتينا - ونەركاسىپ، زەرگەرلىك بۇيىمدار جانە قورشاعان ورتا ءۇشىن ماڭىزى زور زات. ء بىر گرامى - 60 دوللار.

ءمۇيىزتۇمسىق ءمۇيىزىنىڭ ۇنتاعىنا سۇرانىس ۆەتنامنان كەلەدى جانە ونىڭ گرامى 110 دوللارعا باعالانعان.

پلۋتوني - اتوم ەنەرگياسىن وندىرۋگە قاتىساتىن راديواكتيۆتى ەلەمەنت. ء بىر گرام پلۋتونيدىڭ باعاسى - 4000 دوللار.

الماز ءوزىنىڭ قۇرامىنداعى ەڭ كۇشتى كوۆالەنتتى بايلانىستاردىڭ ارقاسىندا ەڭ جوعارى قاتتىلىق پەن جىلۋ وتكىزگىشتىك دەڭگەيى بار. كوپتەگەن ماڭىزدى وندىرىستەردە قولدانىلاتىن وسى ماتەريالدىڭ 1 گرامى 55000 دوللار تۇرادى.

كاليفورنيا-252 - بۇل نەيتروندى رەنتگەنوگرافيادان باستاپ، قاتەرلى ىسىكتى ەمدەۋگە دەيىنگى كەڭ اۋقىمدا قولدانىلاتىن باعالى ەلەمەنت. باعاسى 27 ميلليون دوللار.

انتيماتەريا - بۇل قاراپايىم انتيبولشەكتەر سياقتى ماسساسى مەن قاسيەتتەرى بار زات. تەوريالىق تۇرعىدان العاندا، عارىشتا جۇلدىزارالىق ساياحات كەزىندە قولدانىلاتىن بۇل زاتتىڭ قۇنى 6,25 تريلليون.

انتيماتەريانىڭ بۇلاي جوعارى باعاعالانۋ سەبەبى - ونى ءوندىرۋدىڭ قيىندىعى. قازىرگى كەزدە انتيماتەريانىڭ بىرنەشە اتومدارى عانا زەرتحانالىق جاعدايدا بىرنەشە مينۋت ءومىر سۇرە الادى.

massaget.kz