+7 (701) 759 90 19
17 °С : نۇر-سۇلتان
31 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

قىرىمبەك كوشەربايەۆ جەمقورلىقپەن كۇرەس ماسەلەلەرى جونىندەگى كوميسسيا وتىرىسىن وتكىزدى

13 مامىر 20:44
:ءبولىسۋ
قىرىمبەك كوشەربايەۆ جەمقورلىقپەن كۇرەس ماسەلەلەرى جونىندەگى كوميسسيا وتىرىسىن وتكىزدى

نۇر-سۇلتان. قازاقپارات - قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەربايەۆ ق ر پرەزيدەنتى جانىنداعى سىبايلاس جەمقورلىققا قارسى ءىس-قيمىل ماسەلەلەرى جونىندەگى كوميسسيانىڭ وتىرىسىن وتكىزدى، دەپ حابارلايدى قازاقپارات اقورداعا سىلتەمە جاساپ.

بەينەكونفەرەنسيا بايلانىسى رەجيمىندە ءوتتى. وندا جۇمىسپەن قامتۋدىڭ 2020-2021-جىلدارعا ارنالعان جول كارتاسىنىڭ تيىمدىلىگى جانە باسشىلاردىڭ باعىنىسىنداعى قىزمەتكەرلەردىڭ سىبايلاس جەمقورلىققا تارتىلعانى ءۇشىن تارتىپتىك جاۋاپتىلىعى مەن وتستاۆكا ينستيتۋتىن قۇقىقتىق قولدانۋدىڭ وزەكتى ماسەلەلەرى قارالدى.

اتالعان ماسەلەلەر بويىنشا اتقارالىپ جاتقان جۇمىستار تۋرالى رەسپۋبليكالىق بيۋجەتتىڭ اتقارىلۋىن باقىلاۋ جونىندەگى ەسەپ كوميتەتى، باس پروكۋراتۋرا، سىبايلاس جەمقورلىققا قارسى ءىس-قيمىل، مەملەكەتتىك قىزمەت ىستەرى اگەنتتىكتەرى، قارجى، ەڭبەك جانە حالىقتى الەۋمەتتىك قورعاۋ مينيسترلىكتەرى باسشىلىعىنىڭ، ءبىرقاتار ءوڭىر اكىمدەرىنىڭ باياندامالارى تىڭدالدى.

ءبىرىنشى ماسەلەنى قاراۋ بارىسىندا حالىقتى قوسىمشا تابىس كوزدەرىمەن قامتاماسىز ەتۋ ماقساتىندا ازىرلەنگەن، داعدارىسقا قارسى باستى شارالاردىڭ ءبىرى بولىپ تابىلاتىن جول كارتاسىن ىسكە اسىرۋدىڭ ماڭىزدىلىعى اتاپ ءوتىلدى.

جول كارتاسىنىڭ نەگىزىندە ماڭىزدى ينفراقۇرىلىمدىق جوبالاردى ىسكە اسىرۋ باستالدى.

وعان وتكەن جىلى 1 تريلليون تەڭگە ءبولىندى. ال بيىل شامامەن 325 ميلليارد تەڭگە ءبولۋ جوسپارلانعان.

بۇل رەتتە وسى باعدارلامالىق قۇجاتتىڭ ماڭىزدىلىعىن جانە قارجىلاندىرۋ كولەمىن ەسكەرە وتىرىپ، مەملەكەت باسشىسى بيۋجەت قاراجاتىنىڭ ماقساتتى جانە ءتيىمدى جۇمسالۋىن باقىلاۋدى تاپسىرعان بولاتىن.

قۇقىق قورعاۋ جانە باقىلاۋشى مەملەكەتتىك ورگاندار جۇرگىزگەن تەكسەرۋلەر ۇيىمداستىرۋشىلىق سيپاتتاعى جانە قارجىلىق ءتارتىپتىڭ ساقتالمايتىنىن انىقتادى. سونداي-اق ازاماتتاردىڭ تۇراقتى جۇمىس ورىندارىن اشۋ كەزىندەگى ءىس-ارەكەتىن، اسىرەسە، ادامداردى جۇمىسقا جالعان ورنالاستىرۋ ماسەلەسىن قاتاڭ باقىلاۋ قاجەتتىگىن ايقىندادى.

ماسەلەن، وتكەن جىلدىڭ وزىندە عانا ەسەپ كوميتەتى قۇقىق قورعاۋ ورگاندارىنا 72 فاكت بويىنشا ماتەريال بەرگەن. ال 339 فاكتى بويىنشا كىنالى تۇلعالاردىڭ اكىمشىلىك جاۋاپتىلىعى تۋرالى ماسەلە كوتەرىلگەن.

سىبايلاس جەمقورلىققا قارسى اگەنتتىك 28 قىلمىستىق قۇقىق بۇزۋشىلىقتى تىركەگەن. ول بويىنشا 23 ادام جاۋاپكەرشىلىككە تارتىلعان. پروكۋراتۋرا ورگاندارى بولسا، 331 قاداعالاۋ اكتىسىن ەنگىزدى، 493 ادام تارتىپتىك جاۋاپكەرشىلىككە، 540 ادام اكىمشىلىك جاۋاپكەرشىلىككە تارتىلدى.

وسىعان بايلانىستى، ءتيىستى مەملەكەتتىك ورگاندارعا بولىنگەن قارجىنىڭ جۇمسالۋ زاڭدىلىعى مەن تيىمدىلىگىنە مونيتورينگتى جالعاستىرۋ، جول كارتاسىن ىسكە اسىرۋ جۇمىسىن ءتيىستى ۇيلەستىرۋدى قامتاماسىز ەتۋ، قارجى ءتارتىبىن ساقتاۋ جانە مەردىگەر ۇيىمداردىڭ جاڭا جۇمىس ورىندارىن اشۋ كەزىندەگى مىندەتتەمەلەرىن ورىنداۋىن باقىلاۋدا ۇستاۋ ۇسىنىلدى.

ەكىنشى ماسەلە اياسىندا سىبايلاس جەمقورلىققا قارسى الدىن الۋ شارالارىن قابىلداماعانى جانە سىبايلاس جەمقورلىق قۇقىق بۇزۋشىلىقتار جاساعانى ءۇشىن مەملەكەتتىك ورگاندار باسشىلارىنىڭ جاۋاپكەرشىلىگىن ارتتىرۋ ينستيتۋتىنىڭ تيىمدىلىگى قارالدى.

بۇل ينستيتۋتتى ەنگىزۋ قاجەتتىلىگىن قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازاربايەۆ پەن مەملەكەت باسشىسى قاسىم-جومارت كەمەل ۇلى توقايەۆ بىرنەشە رەت اتاپ وتكەن ەدى.

مەملەكەتتىك قىزمەت ىستەرى اگەنتتىگىنىڭ مالىمەتىنشە، قاراماعىنداعى قىزمەتكەرلەردىڭ سىبايلاس جەمقورلىق قىلمىستارى ءۇشىن 108 مەملەكەتتىك قىزمەتشى مەن قىزمەتكەر تارتىپتىك جاۋاپكەرشىلىككە تارتىلعان.

ونىڭ 15 ءى وتستاۆكاعا كەتكەن، ال 93 تۇلعاعا ءتۇرلى تارتىپتىك جاۋاپكەرشىلىك جۇكتەلگەن.

تۇتاستاي العاندا، سىبايلاس جەمقورلىقتىڭ الدىن الۋ جونىندەگى ءىس-شارالارعا بايلانىستى باسشىلاردىڭ تىكەلەي تارتىلۋىن تالقىلاۋ ناتيجەلەرى جاڭا زاڭنامالاردىڭ ناتيجەلى ىسكە اسىرىلىپ جاتقانىن جانە العا ىلگەرىلەۋ بار ەكەنىن كورسەتتى.

سونىمەن قاتار اتالعان جاڭا وزگەرىستەردى جۇزەگە اسىرۋ كەزەڭىندە اتالعان باعىتتاعى سىبايلاس جەمقورلىققا قارسى زاڭنامانى ودان ءارى جەتىلدىرۋ قاجەتتىلىگى ايقىندالدى.

وسى ماسەلەلەردى ەسكەرە وتىرىپ، ۋاكىلەتتى مەملەكەتتىك ورگاندارعا ءتيىستى ۇسىنىستاردى ودان ءارى پىسىقتاۋدى جانە ىسكە اسىرۋدى جۇزەگە اسىرۋ ۇسىنىلدى.

وتىرىس قورىتىندىسى بويىنشا قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەربايەۆ قارالعان ماسەلەلەر بويىنشا ناقتى تاپسىرمالار بەردى، ولاردىڭ ورىندالۋى باقىلاۋعا الىندى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات