شىمكەنتتە قايتىس بولعان تۇرعىننىڭ ءمايىتىن اشىققان ءيتى جەي باستاعان

نۇر-سۇلتان. قازاقپارات - شىمكەنتتە ءوز ۇيىندە قايتىس بولعان تۇرعىننىڭ ءمايىتىن اشىققان ءيتى جەي باستاعان.

بۇل تۋرالى قالالىق پوليتسيا دەپارتامەنتىنەن ءمالىم ەتتى، دەپ حابارلايدى قازاقپارات.

«بيىلعى 5 - مامىردا، ساعات 12:50 شاماسىندا شىمكەنت قالالىق پوليتسيا دەپارتامەنتى قاراتاۋ اۋداندىق پوليتسيا باسقارماسىنا جەرگىلىكتى تۇرعىننان اۋداندا ورنالاسقان ۇيلەردىڭ ءبىرىنىڭ اۋلاسىنان ەر ادامنىڭ ءمايىتى تابىلعانى تۋرالى حابارلاما كەلىپ ءتۇستى. وقيعا ورنىندا جەدەل-تەرگەۋ توبى مۇقيات تەكسەرۋ جۇرگىزدى. كوز جۇمعان ەر ادامنىڭ جەكە باسى انىقتالدى. ول 1958-جىلى تۋعان جەرگىلىكتى تۇرعىن بولىپ شىقتى. ەر ادام ۇيىندە جالعىز ءوزى يتىمەن تۇرعان. الدىن الا بولجام بويىنشا، ەر ادام قايتىس بولعاننان بىرنەشە كۇن وتكەن سوڭ، اشىعىپ قالعان ءيت يەسىنىڭ ءمايىتىن جەي باستاعان»، - دەدى پ د- دان.

سوتقا دەيىنگى تەرگەپ-تەكسەرۋ اياسىندا ەر ادامنىڭ ءولىم سەبەبىن انىقتاۋعا باعىتتالعان ءبىرقاتار ساراپتاما تاعايىندالدى.

«تەكسەرۋ ناتيجەلەرى بويىنشا پروتسەسسۋالدىق شەشىم قابىلداناتىن بولادى»، - دەپ ناقتىلادى پوليتسيادان.