+7 (701) 759 90 19
24 °С : نۇر-سۇلتان
20 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

وقۋلىقتىڭ ەلەكتروندى نۇسقاسى بالالاردى اۋىر سومكەدەن قاشان قۇتقارادى

13 مامىر 19:25
:ءبولىسۋ
وقۋلىقتىڭ ەلەكتروندى نۇسقاسى بالالاردى اۋىر سومكەدەن قاشان قۇتقارادى

نۇر- سۇلتان. قازاقپارات - رەسپۋبليكالىق عىلىمي- پراكتيكالىق ءبىلىم مازمۇنىن ساراپتاۋ ورتالىعىنىڭ ديرەكتورى ەلدوس نۇرلانوۆ ب ا ق وكىلدەرىنە مەكتەپ وقۋلىقتارىنىڭ ەلەكتروندى نۇسقاسىن قولدانىسقا ەنگىزۋ مۇمكىندىكتەرى تۋرالى مالىمەت بەردى، دەپ حابارلايدى قازاقپارات ءتىلشىسى.

ەلدوس نۇرلانوۆتىڭ ايتۋىنشا، وقۋلىقتاردىڭ ەلەكتروندى نۇسقاسى قولدانىسقا ەنۋى ءۇشىن ونى ورنالاستىراتىن پلاتفورمالاراعا اقىلى جازىلۋ ماسەلەسى شەشىمىن تابۋى كەرەك. ازىرشە «جازىلۋ شىعىنى اتا- انالاردىڭ قالتاسىنان الىنا ما، الدە جەرگىلىكتى بيۋدجەتتەن الىنا ما» دەگەن سۇراقتىڭ باسى اشىق.

«بۇگىنگى تاڭدا مەكتەپ وقۋلىقتارىنىڭ ەلەكتروندى نۇسقاسىن وقىتۋ پروتسەسىنە بەلسەندى پايدالانۋ ماسەلەسى اراكىدىك تالقىلانىپ ءجۇر. قاعاز وقۋلىقتارمەن قاتار ەلەكتروندى وقۋلىقتارعا جازىلۋدىڭ رەگلامەنتى پايدا بولۋى كەرەك. سوندا قاعاز وقۋلىقپەن قاتار ەلەكتروندى وقۋلىقتاردى جازىلۋ ارقىلى پايدالانۋ مۇمكىندىگى تۋىندايدى. ازىرگە ول رەگلامەنت بەكىتىلگەن جوق. ءبىراق مەنىڭ ويىمشا، ونىڭ دا تەتىكتەرى ابدەن ويلاستىرىلىپ، ءتيىستى نورماتيۆتىك- قۇقىقتىق اكتىلەرى بەكىتىلۋى كەرەك»، - دەدى ورتالىق ديرەكتورى.

ەلدوس نۇرلانوۆ ەلەكتروندى نۇسقانى كىتاپ ورنىنا پايدالانۋ تاجىريبەسىن ەنگىزۋ ءۇشىن اۋەلى ساياسي شەشىم قابىلدانۋى كەرەكتىگىن ايتتى.

«ارينە، بالاسى ارقالاپ جۇرگەن سومكەنىڭ اۋىرلىعىن ايتىپ، الاڭدايتىن اتا- انالاردىڭ بار ەكەن راس. بۇل ماسەلە ءالى تالقىلانۋ ۇستىندە. ول ءۇشىن ەلەكتروندى نۇسقانى قاعاز وقۋلىقتارمەن قاتار قولدانۋ نەمەسە كىتاپتى اۋىستىرۋ تۋرالى ساياسي شەشىم قابىلدانۋى كەرەك. وسىنداي شەشىم قابىلداناتىن بولسا، جەرگىلىكتى اتقارۋشى ورگاندار قازىرگىدەي قاعاز وقۋلىقتاردى ساتىپ الاتىنى سياقتى ەلەكتروندى وقۋلىقتارعا جازىلۋ قۇنىن تولەپ، ءبىلىم بەرۋ پلاتفورمالارى ارقىلى پايدالانۋعا بولادى. ءبىراق بۇل ءالى جۇمىس بارىسىنداعى ماسەلە. ناقتى شەشىم شىققان جوق»، - دەدى رەسپۋبليكالىق عىلىمي- پراكتيكالىق ءبىلىم مازمۇنىن ساراپتاۋ ورتالىعىنىڭ ديرەكتورى.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات