قاسىم- جومارت توقايەۆ اۋعانستان پرەزيدەنتىمەن تەلەفون ارقىلى سويلەستى
اۋعان تاراپىنىڭ باستاماسىمەن تەلەفون ارقىلى سويلەسكەن قاسىم- جومارت توقايەۆ پەن اشراف عاني ءبىر- ءبىرىن قاسيەتتى ورازا ايت مەرەكەسىمەن قۇتتىقتادى.
مەملەكەت باسشىسى دوستاس اۋعان حالقىنا بەيبىتشىلىك پەن باق- بەرەكە تىلەدى. پرەزيدەنتتەر ا ق ش پەن ناتو اسكەرلەرىنىڭ اۋعانستان جەرىنەن شىعارىلىپ جاتقان كەزدەگى احۋال جايىندا پىكىر الماستى. ەلدەگى ساياسي- ديپلوماتيالىق جاعدايدى اۋعاندىقتاردىڭ ءوزىن قاتىستىرا وتىرىپ، بەيبىت جولمەن رەتتەۋدەن باسقا بالاما جول جوق ەكەنى ناقتىلاندى.
قاسىم- جومارت توقايەۆ قازاقستاننىڭ اۋعانستاندى تەرروريزمنەن جانە زاڭسىز ەسىرتكى تاسىمالىنان ادا، ءبىرتۇتاس، بەيبىت، بەيتاراپ ەل رەتىندە قالىپتاستىرۋ جولىندا بارىنشا كومەك كورسەتۋگە دايىن ەكەنىن جەتكىزدى. وسى ماقساتتا ەكى ەل ۇكىمەتتەرى اراسىنداعى ەكونوميكالىق جانە گۋمانيتارلىق ىنتىماقتاستىقتىڭ ناقتى ماسەلەلەرىن جەدەل شەشۋگە باعىتتالعان ديالوگتى جانداندىرۋ كەرەك.
اشراف عاني اۋعانىشىلىك ديالوگتى دايەكتى تۇردە قولداعانى جانە ءوز ەلىنە ناقتى گۋمانيتارلىق كومەك كورسەتكەنى ءۇشىن قازاقستانعا ريزاشىلىعىن ءبىلدىردى. ول قاسىم- جومارت توقايەۆتىڭ ەكى مەملەكەت اراسىنداعى ىقپالداستىق ماسەلەلەرىن شەشۋدە ىسكەرلىك ءتاسىلدى قولدانۋدىڭ ماڭىزدىلىعى جونىندەگى پىكىرىمەن كەلىستى. سونىمەن قاتار اشراف عاني اۋعانستانداعى احۋالدى رەتتەۋگە جۇمىلدىرىلعان حالىقارالىق كۇش- جىگەرگە قازاقستاننىڭ بەلسەندى ارالاسۋىن وتە ماڭىزدى دەپ سانايدى.