د د س ۇ باسشىسى كوروناۆيرۋسقا قارسى ەكپە سالدىرتتى

نۇر-سۇلتان. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادانوم گەبرەيەسۋس كوروناۆيرۋسقا قارسى ەكپە سالدىرتتى.

بۇل تۋرالى ول twitter -دەگى پاراقشاسىندا جازدى، دەپ حابارلايدى قازاقپارات.

«بۇگىن COVID-19 ۆيرۋسىنا قارسى ۆاكسينا سالدىرتۋعا كەزەگىم جەتتى. ۆاكسينالار ءومىردى قۇتقارىپ قالادى. ولاردىڭ الەمنىڭ بارلىق بولىكتەرىنە نەعۇرلىم تەزىرەك جەتكىزۋ وتە ماڭىزدى. ەگەر سىزدەر مەن سياقتى ۆاكسينا قولجەتىمدى ەلدە تۇرساڭىزدار، كەزەگىڭىز كەلىپ تۇرسا، ۆاكسينالاۋدان ءوتىڭىز»، - دەپ جازدى د د س ۇ باسشىسى.

گەبرەيەسۋستىڭ ءدال قانداي پرەپارات سالدىرتقانى تۋرالى ناقتىلانبايدى. د د س ۇ مالىمەتىنشە، الەمدە كوروناۆيرۋس جۇقتىرۋ جانە ودان بولعان ءولىم وقيعالارىنىڭ سانى سوڭعى اپتادا ازايىپ، تيىسىنشە 5,5 ميلليوننان استام جانە 90 مىڭنان استام جاعدايدى قۇراعان.

اتاپ وتكەندە، ەۋروپا جانە جەرورتا تەڭىزىنىڭ ايماقتارىندا جاڭا وقيعالار سانىنىڭ ازايۋى بايقالىپ وتىر. ال وڭتۇستىك-شىعىس ازيادا اۋرۋ جۇقتىرۋ جاڭا وقيعالارىنىڭ سانى 6 پايىزعا وسكەن.

اۆتور: زارينا تۋعانبايەۆا