ەۆەرەست شىڭىنا شىقپاق بولعان ەكى الپينيست قازا تاپتى

نۇر-سۇلتان. قازاقپارات - ەۆەرەست تاۋىنىڭ شىڭىنا شىعار جولدا امەريكاندىق جانە شۆەيتساريالىق ەكى الپينيست قازا تاپتى.

بۇل تۋرالى قازاقپارات Agence France Presse اگەنتتىگىنە سىلتەمە جاساپ حابارلايدى.

نەپالدىڭ Seven Summit Trek Mingma Sherpa تۋريستىك وپەراتورى وكىلىنىڭ ايتۋىنشا، شۆەيتساريالىق الپينيست تاۋ شىڭىندا السىرەۋدەن كوز جۇمعان.

امەريكاندىق ارىپتەسى «حيللاري ساتىسى» ۋچاسكەسىنە دەيىن جەتىپ، وندا السىرەۋ جانە وفتالميادان قايتىس بولدى. تۋروپەراتور باسشىسى چحاڭ داۆا شەرپا Instagram-داعى جەكە پاراقشاسىندا مەرت بولعانداردىڭ وتباسىلارىنا كوڭىل ايتتى.

«ءبىز ولارعا قوسىمشا وتتەگى جانە قاجەتتى ازىق-تۇلىكتى جىبەردىك، ءبىراق وكىنىشكە قاراي شەرپتەر ونى (شۆەيتساريالىق الپينيستى) قۇتقارا المادى. شەرپتىڭ وتتەگى جانە قوسىمشا قولداۋ جەتكىزۋىنىڭ ارقاسىندا امەريكاندىق الپينيست وڭتۇستىك بولىگىنە دەيىن امان جەتتى، ءبىراق سول جەردە كوپ ۇزاماي كوز جۇمدى»، - دەپ جازدى ول.

اگەنتتىكتىڭ ناقتىلاۋىنشا، قازىرگى كەزدە اۋا رايىنىڭ قولايسىزدىعى الپينيستتەردىڭ مايىتتەرىن تومەن ءتۇسىرىپ، وتاندارىنا جەتكىزۋگە مۇمكىندىك بەرمەي جاتىر.

اۆتور: زارينا تۋعانبايەۆا