ەلوردادا شومىلۋعا رۇقسات ەتىلگەن ورىندار بەلگىلەندى

نۇر-سۇلتان. قازاقپارات - ەلوردادا شومىلۋعا رۇقسات ەتىلگەن ورىندار بەلگىلى بولدى، دەپ حابارلايدى قازاقپارات قالالىق توتەنشە جاعدايلار دەپارتامەنتىنىڭ باسپا ءسوز قىزمەتىنە سىلتەمە جاساپ.

«قالا اكىمى ا. كولگىنوۆتىڭ قاۋلىسىمەن نۇر-سۇلتان قالاسىنىڭ سۋ وبەكتىلەرى مەن سۋ شارۋاشىلىعى قۇرىلىستارىندا جاپپاي دەمالۋ، تۋريزم جانە سپورت ءۇشىن ورىندار بەلگىلەندى. 1. ەسىل اۋدانى، ورتالىق ساياباقتاعى جاعاجاي. 2. الماتى اۋدانى، كۇيگەنجار تۇرعىن الابىنداعى «استانالىق اۋلا» دەمالىس ايماعى. 3. سارىارقا اۋدانىنداعى «تري پەسكاريا» دەمالىس ايماعى»، دەلىنگەن حابارلامادا.