ورتالىق ازيا ەلدەرى سۋ جيناۋ ليميتىن بەكىتتى
بەينەكونفەرەنتسيا فورماتىندا مەملەكەتارالىق سۋ شارۋاشىلىعى ۇيلەستىرۋ كوميسسياسىنىڭ 80- وتىرىسى ءوتتى. وتىرىس تاجىكستان رەسپۋبليكاسى ەنەرگەتيكا جانە سۋ رەسۋرستارى ءمينيسترىنىڭ ءبىرىنشى ورىنباسارى دجامشەد شويمزودتىڭ ءتوراعالىق ەتۋىمەن ءوتتى.
قازاقستاندىق دەلەگاتسيانى ەكولوگيا، گەولوگيا جانە تابيعي رەسۋرستار ۆيتسە- ءمينيسترى سەرىك قوجانيازوۆ باسقاردى. وزبەكستان رەسپۋبليكاسىنان سۋ شارۋاشىلىعى ءمينيسترى شاۆكات حامرايەۆ، تۇركىمەنستان رەسپۋبليكاسىنان سۋ رەسۋرستارى مەملەكەتتىك كوميتەتىنىڭ ءبىرىنشى ورىنباسارى دوۆلەتمۋراد ماممەدوۆ قاتىستى. كەزدەسۋ بارىسىندا 2020-2021 -جىلدارداعى ۆەگەتاتسياارالىق كەزەڭنىڭ قورىتىندىلارى قارالدى، سونداي- اق ەلدەردىڭ سۋ تارتۋ ليميتتەرى بەكىتىلدى جانە 2021 -جىلعى ۆەگەتاتسيالىق كەزەڭگە ارنالعان نارىن- سىرداريا سۋ قويمالارى كاسكادىنىڭ جۇمىس رەجيمدەرى قارالدى.
سونىمەن قاتار، ورتالىق ازيانىڭ مەملەكەتارالىق سۋ شارۋاشىلىعى ۇيلەستىرۋ كوميسسياسىنىڭ عىلىمي- اقپاراتتىق ورتالىعى تۇركمەنباشى قالاسىندا وتكەن حاقق قۇرىلتايشى مەملەكەتتەرى باسشىلارىنىڭ سامميتىندە ايتىلعان ۇسىنىستار مەن باستامالاردى ورىنداۋ ءۇشىن جۇرگىزىلىپ جاتقان جۇمىستاردىڭ بارىسى تۋرالى باياندادى. تاراپتار ح ق ك ك جۇمىسى شەڭبەرىندە ءوزارا قۇرمەت جانە تاتۋ كورشىلىك قاعيداتتارى نەگىزىندە جان- جاقتى ىنتىماقتاستىقتى نىعايتا تۇسەدى.