+7 (701) 759 90 19
17 °С : نۇر-سۇلتان
31 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

مەملەكەت باسشىسى جەردى شەتەلدىكتەرگە جەكە مەنشىككە جانە جالعا بەرۋگە تىيىم سالاتىن زاڭعا قول قويدى

13 مامىر 09:49
:ءبولىسۋ
مەملەكەت باسشىسى جەردى شەتەلدىكتەرگە جەكە مەنشىككە جانە جالعا بەرۋگە تىيىم سالاتىن زاڭعا قول قويدى

نۇر- سۇلتان. قازاقپارات - مەملەكەت باسشىسى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

2016 -جىلعى 6-مامىردا ق ر پرەزيدەنتىنىڭ جارلىعىمەن اۋىل شارۋاشىلىعى جەرلەرىن شەتەلدىكتەرگە، ازاماتتىعى جوق ادامدارعا، شەتەلدىك كومپانيالارعا، سونداي- اق شەتەلدىك ۇلەسى بار قازاقستاندىق كومپانيالارعا جالعا بەرۋگە، سونداي- اق قازاقستان رەسپۋبليكاسىنىڭ ازاماتتارى مەن زاڭدى تۇلعالارىنا جەكە مەنشىككە بەرۋگە موراتوري ەنگىزىلدى. موراتوري مەرزىمى 2021 -جىلدىڭ 31-جەلتوقسانىندا اياقتالاتىنىن ەسكەرە وتىرىپ، قازاقستان رەسپۋبليكاسىنىڭ پرەزيدەنتى قاسىم- جومارت كەمەل ۇلى توقايەۆ 25-اقپاندا ۇلتتىق قوعامدىق سەنىم كەڭەسىنىڭ بەسىنشى وتىرىسىندا شەتەلدىكتەرگە جانە شەتەلدىك زاڭدى تۇلعالارعا اۋىل شارۋاشىلىعى جەرلەرىن ساتۋعا، جالعا بەرۋگە زاڭناما جۇزىندە ءبىرجولا تىيىم سالۋدى تاپسىردى.

پرەزيدەنت 12-ناۋرىزدا وسىنداي زاڭ جوباسىن پارلامەنتكە جىبەرگەنىن مالىمدەدى. 7-ساۋىردە ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋ ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى. 14-ساۋىردە جەردى شەتەلدىكتەرگە بەرۋگە ءبىرجولا تىيىم سالۋدى كوزدەيتىن زاڭ جوباسىن ءماجىلىس سەناتقا جولدادى. 29 -ءساۋىر كۇنى سەنات «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جەر قاتىناستارى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ماجىلىسكە قايتارعان ەدى.

ءماجىلىس جەردى شەتەلدىكتەرگە ساتپاۋ تۋرالى قۇجاتقا سەنات ەنگىزگەن وزگەرىستەرمەن كەلىستى. اتالعان زاڭ بويىنشا اۋىل شارۋاشىلىعى جەرلەرىن شەتەلدىكتەرگە، ازاماتتىعى جوق ادامدارعا، شەتەلدىك زاڭدى تۇلعالارعا، شەتەلدىك قاتىسۋى بار قازاقستان رەسپۋبليكاسىنىڭ زاڭدى تۇلعالارىنا، حالىقارالىق ۇيىمدارعا، حالىقارالىق قاتىسۋى بار عىلىمي ورتالىقتارعا، سونداي- اق، قانداستارعا جەكە مەنشىككە جانە جالعا بەرۋگە تىيىم سالىنادى. وسىلايشا اۋىل شارۋاشىلىعى جەرلەرىن پايدالانۋ قۇقىعى تەك قانا قازاقستان ازاماتتارىنا جانە شەتەلدىك قاتىسۋى جوق زاڭدى تۇلعالارعا بەرىلەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات