+7 (701) 759 90 19
15 °С : نۇر-سۇلتان
14 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

الماتىدا جەر سىلكىنىسى تۋرالى الدىن الا حابار بەرەتىن قۇرىلعى ورناتىلىپ جاتىر

12 مامىر 22:29
:ءبولىسۋ
الماتىدا جەر سىلكىنىسى تۋرالى الدىن الا حابار بەرەتىن قۇرىلعى ورناتىلىپ جاتىر

الماتى. قازاقپارات - الماتىدا جەر سىلكىنىسى تۋرالى الدىن الا حابار بەرەتىن قۇرىلعى ورناتىلىپ جاتىر.

بۇل تۋرالى الماتى اكىمى باقىتجان ساعىنتايەۆ «الماتى» تەلەارناسىنداعى تىكەلەي ەفيردە ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، سەيسمولوگيا ينستيتۋتى 2018-جىلدان بەرى «قازاقستاننىڭ وڭتۇستىك- شىعىسىنداعى سەيسميكالىق قاۋىپتى ايماقتاردى كەشەندى زەرتتەۋ جانە كۇشتى جەر سىلكىنىسى تۋرالى الدىن-الا ەسكەرتۋ جۇيەسىنىڭ نەگىزدەرىن جاساۋ» باعدارلاماسى بويىنشا جۇمىس جۇرگىزۋدە.

«سول باعدارلامانى ىسكە اسىرۋ اياسىندا ينستيتۋت جاپوندىق شەشىم بازاسىندا تەستىلەۋ رەجيمىندە ەرتە حاباردار ەتۋ جۇيەسىنىڭ 9 سەيسميكالىق ستانتسياسىن ورناتتى.

2023-جىلعا دەيىن سەيسميكالىق داتچيكتەرمەن، اۆتونومدى قۋات كوزدەرىمەن جابدىقتالعان تاعى 28 ستانتسيا ورناتۋ، سونداي-اق سەيسمولوگيا ينستيتۋتى مەن ت ج د- دە ديسپەتچەرلىك پۋنكتتەر اشۋ جوسپارلانۋدا»، - دەيدى باقىتجان ساعىنتايەۆ.

جۇيە اۆتوماتتى رەجيمدە جويقىن سەيسميكالىق تولقىننىڭ قالاعا جاقىنداعانى تۋرالى سيگنال بەرەدى جانە تۇرعىندارعا ەرتە ەسكەرتۋ جاسالادى.

ەسكەرتۋ Darmen موبيلدى قوسىمشاسىنىڭ كومەگىمەن ىسكە اسادى. جەر سىلكىنىسى تۋرالى سيگنال 40 سەكۋندقا دەيىنگى ارالىقتا حابارلانادى.

«الماتى جەر سىلكىنىسى، سەل، كوشكىن، قار كوشكىنى، سۋ باسۋ، ءورت سياقتى تەحنوگەندىك جانە تابيعي سيپاتتاعى توتەنشە جاعدايلارعا بەيىم. جەكە قۇرامنىڭ 1,5 مىڭنان استام ادامى، 270 تەحنيكا بىرلىگى توتەنشە جاعدايدىڭ زارداپتارىن جويۋعا ۇنەمى دايىن. قالانىڭ قۇتقارۋشىلارى جىلىنا ورتا ەسەپپەن 3 مىڭنان استام جەرلەرگە بارادى. توتەنشە جاعداي كەزىندە حالىقتى وقىتۋ جانە قاۋىپسىز ءتارتىپ مادەنيەتىن، وزدەرىن دۇرىس ۇستاۋ داعدىلارىن قالىپتاستىرۋ ماقساتىندا ەلىمىزدە بالاماسى جوق يننوۆاتسيالىق جوبا بولىپ تابىلاتىن سيمۋلياتسيالى وقۋ-ادىستەمەلىك ورتالىق سالىنۋدا»، - دەدى الماتى اكىمى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات