+7 (701) 759 90 19
16 °С : نۇر-سۇلتان
22 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

ورازا ايت كۇنى سارەسى ىشىلە مە؟

12 مامىر 22:13
:ءبولىسۋ
ورازا ايت كۇنى سارەسى ىشىلە مە؟

نۇر-سۇلتان. قازاقپارات - جىل سايىن ورازا ايت كۇنى جاقىنداعاندا قويىلاتىن بۇل سۇراققا ق م د ب شاريعات جانە ءپاتۋا ءبولىمى مەڭگەرۋشىسىنىڭ ورىنباسارى حاسان امانقۇل الەۋمەتتىك جەلىدە جاۋاپ بەردى، دەپ حابارلايدى قازاقپارات.

«شاريعات كىتاپتارىندا: «ورازا ايت كۇنى مەشىتكە بارۋدان بۇرىن ءدام اۋىز تيۋ - مۇستاحاپ (ۇنادى ءىس)» دەلىنگەن (فاتحۋ بابيل- عينايا، 1/573). حاديستەردە: «پايعامبارىمىز (وعان اللانىڭ سالاۋاتى مەن سالەمى بولسىن) ورازا ايت كۇنى تاماق ىشپەي مەشىتكە شىقپايتىن ەدى»، - دەپ ايتىلعان (تيرميزي، يبن ءماجا).

ەگەر ايت نامازى كۇن نايزا بويى كوتەرىلگەننەن كەيىن وقىلاتىنىن ەسكەرسەك، پايعامبارىمىزدىڭ (وعان اللانىڭ سالاۋاتى مەن سالەمى بولسىن) ايت مەرەكەسى كۇنى كۇن شىققاننان سوڭ تاماقتانعانىن تۇسىنەمىز. دەمەك، ونىڭ ىشكەنى سارەسى ەمەس»، دەيدى حاسان امانقۇل.

سونىمەن قاتار ورازا ۇستاعان ادام سارەسىن تاڭ اتقانعا دەيىن ءىشۋ كەرەك. ال، شاريعات بويىنشا ايت كۇنى ورازا ۇستاۋعا رۇقسات ەتىلمەيدى.

ويتكەنى، حاديستەردە «اللا ەلشىسى (وعان اللانىڭ سالاۋاتى مەن سالەمى بولسىن) ادامدارعا ورازا جانە قۇربان ايت كۇندەرى ورازا ۇستاۋعا تىيىم سالاتىن» دەپ ايتىلعان (بۋحاري).

سوندىقتان ورازا ايت كۇنى مۇسىلماندار ورازا كۇنى سياقتى سارەسىن ىشپەيدى، كۇندىز اۋىزى اشىق بولادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات