+7 (701) 759 90 19
31 °С : نۇر-سۇلتان
28 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

بۇرىنعى «استانا» سپورت كلۋبىنىڭ باسشىسىنا سوت ۇكىمى شىقتى

12 مامىر 22:41
:ءبولىسۋ
بۇرىنعى «استانا» سپورت كلۋبىنىڭ باسشىسىنا سوت ۇكىمى شىقتى

نۇر-سۇلتان. قازاقپارات - ەلوردادا بايقوڭىر اۋدانىنىڭ 2№ سوتى «استانا» پرەزيدەنتتىك كاسىپقوي سپورت كلۋبى كورپوراتيۆتىك قور ف ك- نىڭ بۇرىنعى اتقارۋشى ديرەكتورى امانبەك كۇلشىكوۆ پەن «Astana Pro Team» ۆەلوكومانداسى جەكەمەنشىك مەكەمەسىنىڭ اتقارۋشى ديرەكتورى ءلاززات شامشيەۆاعا جانە باسقالارعا قاتىستى قىلمىستىق ءىس بويىنشا ۇكىم شىعاردى، دەپ حابارلايدى Egemen.kz.

بىلتىر مامىردىڭ 3 ءى «استانا» كاسىبي سپورت كلۋبىنىڭ ەكس-ديرەكتورى امانبەك كۋلشىكوۆتىڭ مەكەمەنىڭ قۇرامىنا كىرەتىن Astana Pro Team ۆەلوكومانداسىنىڭ جەتەكشىسى ءلاززات شامشيەۆامەن جانە Astana Motorsports جەتەكشىسى ارتۋر ارداۆيچۋسپەن قىلمىستىق كەلىسىم ازىرلەپ، سونى ىسكە اسىرعان ەدى.

تەرگەۋ بارىسىندا سىبايلاس جەمقورلىققا قارسى ءىس-قيمىل اگەنتتىگى سەرىكتەستىك دەپارتامەنتىنىڭ باس ساراپشىسى سىمبات يسراپۋلوۆا 2016-2018-جىلدارى امانبەك كۋلشىكوۆ اتالعان كلۋبتاردىڭ ناقتى قاجەتتىلىكتەرىن بىلە تۇرا، قاساقانا شىعىندار كولەمىن بىرنەشە ەسەگە ارتىق كورسەتكەنىن مالىمدەدى.

باس ساراپشىنىڭ ايتۋىنشا، ولار بۇل قاراجاتتى ماقساتتى تۇردە جۇمساپ، شامشيەۆا جانە ارداۆيچۋستان جالعان ەسەپتەردى قابىلداعان دا ەكەن.

«شەتەلدىك كومپانيالارمەن جالعان كەلىسىمدەر جاساۋ جانە وقۋ-جاتتىقتىرۋ جيىندارىن ۇيىمداستىرۋ، ءۇي-جايلاردى جالعا الۋ، تاۋارلىق-ماتەريالدىق قۇندىلىقتار ساتىپ الۋ بويىنشا جالعان اكتىلەرگە قول قويۋ ارقىلى ارتىق بولىنگەن اقشانى جىمقىرعان.

مىسالى، دەمەۋشىلەر جىل سايىن كاسىبي جارىسقا قاتىسۋدىڭ بارلىق الەمدىك ستاندارتىنا ساي كەلەتىن 200 دەن استام برەند ۆەلوسيپەدتەرىن تەگىن ۇسىنعان»، دەدى باس ساراپشى.

وعان قوسا، كلۋبتىڭ باسشىلىعى وسىدان 3 جىل بۇرىن الماتى قالاسىنان اۆتوشينا ساتۋمەن اينالىساتىن وتاندىق كومپانيالاردىڭ بىرىنەن 6 برەند ۆەلوسيپەدىن جانە وعان قوسالقى بولشەكتەر ساتىپ الۋعا 219 مىڭ ەۋرو (94 ميلليون 48 مىڭ 176 تەڭگە) سوماسىنا جالعان كەلىسىمشارت جاسالعان.

اتالعان مالىمدەمەلەرگە سايكەس پروكۋرور بارلىق سوتتالۋشىدان مەملەكەتتىك جانە كوممەرتسيالىق ۇيىمداردا باسشىلىق لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 8 جىلعا باس بوستاندىعىنان ايىرۋدى سۇرادى.

ەندى ولارعا 189-باپتىڭ 4-بولىگى، 2-تارماعى بويىنشا مۇلكى تاركىلەنىپ، بەلگىلى ءبىر لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى.

سوت ۇكىمى زاڭدى كۇشىنە ەنگەن جوق.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات