بەك نۇرماعانبەتتىڭ كەلەسى كەزدەسۋى قاشان وتەتىنى انىقتالدى

نۇر-سۇلتان. قازاقپارات - 23 جاستاعى قازاقستاندىق بوكسشى بەك نۇرماعانبەتتىڭ (3-0، 2 ك و) كاسىپقوي بوكستاعى كەلەسى كەزدەسۋى قاشان وتەتىنى بەلگىلى بولدى، دەپ حابارلايدى Vesti.kz پورتالى.

Boxrec اقپاراتى بويىنشا، وتانداسىمىز 20- مامىر كۇنى رەسەيدىڭ نوۆوسيبيرسك قالاسىندا وتەتىن بوكس كەشىندە جۇدىرىقتاسادى. بۇل نۇرماعانبەكتىڭ كاسىپقوي بوكستاعى ءتورتىنشى كەزدەسۋى بولماق. الداعى كەزدەسۋ سەگىز راۋندقا جوسپارلانعان. جارتىلاۋ اۋىر سالماقتا وتەدى. ءبىراق قارسىلاسى ءالى انىقتالمادى.

ەسكە سالايىق، سوڭعى رەت نۇرماعانبەت شارشى الاڭعا وتكەن جىلدىڭ جەلتوقسان ايىندا شىعىپ، 31 جاستاعى گانالىق ەممانۋەل دانسونى جەڭدى.

نۇرماعانبەت اۋەسقويلار اراسىندا 2019-جىلى ازيا چەمپيونى اتانعان بولاتىن. دەگەنمەن سول جىلى ماۋسىم ايىندا ول ۇلتتىق قۇرامادان كەتىپ قالدى.