+7 (701) 759 90 19
15 °С : نۇر-سۇلتان
14 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

ق ر پرەزيدەنتى جاپونيانىڭ پرەمەر-مينيسترىمەن تەلەفون ارقىلى سويلەستى

12 مامىر 19:41
:ءبولىسۋ
ق ر پرەزيدەنتى جاپونيانىڭ پرەمەر-مينيسترىمەن تەلەفون ارقىلى سويلەستى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ جاپونيانىڭ پرەمەر-ءمينيسترى ەشيحيدە سۋگامەن تەلەفون ارقىلى سويلەستى، دەپ حابارلايدى اقوردا.

ەكى ەل باسشىلارىنىڭ ءبىرىنشى رەت سويلەسىپ وتىرعانىن ەسكەرىپ، قاسىم-جومارت توقايەۆ ەشيحيدە سۋگانى جاپونيا پرەمەر-ءمينيسترى بولىپ سايلانۋىمەن قۇتتىقتاپ، ونىڭ اسا جاۋاپتى قىزمەتىنە تولاعاي تابىس تىلەدى.

مەملەكەت باسشىسى توكيودا وتەتىن جازعى وليمپيادا ويىندارىنا بايلانىستى جاپونيا حالقىنا جۇرەكجاردى سالەمىن جولداپ، اتالعان اۋقىمدى شارا ادامزاتتىڭ كوروناۆيرۋستى جەڭگەنىنىڭ كورىنىسى بولاتىنىنا سەنىم ءبىلدىردى.

پرەزيدەنت جاپونيا ۇكىمەتىنىڭ COVID-19 ىندەتىنە قارسى كۇرەستە قازاقستانعا كورسەتكەن قولداۋى مەن گۋمانيتارلىق كومەگى ءۇشىن العىس ايتتى.

قاسىم-جومارت توقايەۆ قازىرگى ۋاقىتتا ەلىمىز پاندەميانىڭ سالدارىن ەڭسەرۋ ءۇشىن ناقتى شارالار قابىلداعانىن، حالىققا جاپپاي ۆاكتسينا ەگۋ جۇمىستارىنىڭ، ونىڭ ىشىندە، «QazVac» وتاندىق ەكپەسىنىڭ دە سالىنىپ جاتقانىن اتاپ ءوتتى.

تاراپتار قازاق-جاپون قارىم-قاتىناستارىنىڭ قازىرگى جاعدايى مەن دامۋ پەرسپەكتيۆالارىن تالقىلادى.

مەملەكەت باسشىسىنىڭ ايتۋىنشا، جاپونيا قازاقستانعا قارجى قۇيىپ وتىرعان ون ءىرى ينۆەستوردىڭ قاتارىنا كىرەدى جانە ازياداعى ماڭىزدى ستراتەگيالىق سەرىكتەستەرىنىڭ ءبىرى.

بۇگىندە ءبىزدىڭ ەلىمىزدە جاپونيا قارجىلاندىراتىن 50 دەن اسا كاسىپورىن مەن كومپانيا تابىستى جۇمىس ىستەپ جاتىر. قازاقستان پرەزيدەنتى قازىرگىدەي الەمدىك كونيۋنكتۋرا قۇبىلىپ تۇرعان كەزدە ەكىجاقتى ىنتىماقتاستىقتى جاڭا ءارى ساپالى دەڭگەيگە كوتەرۋ كەرەك دەپ سانايدى.

اتاپ ايتقاندا، قاسىم-جومارت توقايەۆ اۋىل شارۋاشىلىعى، گەولوگيالىق بارلاۋ، سيفرلاندىرۋ جانە جاساندى ينتەللەكت سالالارىن ناقتى ينۆەستيتسيالىق جوبالارمەن تولىقتىرا وتىرىپ، جاڭا ەكونوميكالىق جوسپار ازىرلەۋدى ۇسىندى.

ەكى ەلدىڭ عاسىر ورتاسىنا قاراي كومىرتەگى دەربەستىگىنە قول جەتكىزۋ جونىندەگى مىندەتتەمەلەرىن ەسكەرىپ، جاسىل ەنەرگەتيكا باعىتىنداعى ىنتىماقتاستى دامىتۋ بويىنشا دا مول مۇمكىندىكتىڭ بار ەكەنى ايتىلدى.

وسىعان بايلانىستى مەملەكەت باسشىسى جوعارىدا اتالعان ماسەلەلەردى تالقىلاۋ ءۇشىن جۋىق ارادا ۇكىمەت باسشىسىنىڭ ورىنباسارى باستاعان قازاقستاندىق دەلەگاتسيانى جاپونياعا جىبەرۋ تۋرالى شەشىم قابىلداعانىن حابارلادى.

ەشيحيدە سۋگا قازاقستانمەن اراداعى ستراتەگيالىق سەرىكتەستىكتى ودان ءارى كەڭەيتۋگە مۇددەلى ەكەنىن ناقتىلاپ، قازاقستاندىق دەلەگاتسيانىڭ ساپارىن ۇيىمداستىرۋعا ىقپال ەتۋگە دايىندىعىن جەتكىزدى.

«2022-جىلى قازاقستان مەن جاپونيا اراسىنداعى ديپلوماتيالىق قاتىناستاردىڭ ورناعانىنا 30 جىل تولادى. بۇل ەكىجاقتى بايلانىستار بويىنشا ناقتى ناتيجەلەرگە قول جەتكىزۋدىڭ ماڭىزدى كەزەڭى بولۋى ءتيىس»، - دەدى جاپونيا پرەمەر-ءمينيسترى.

ەشيحيدە سۋگانىڭ ايتۋىنشا، قازاقستان ورتالىق ازياداعى كوشباسشى ەل، مۇندا وزگە مەملەكەتتەرمەن سالىستىرعاندا جاپونيانىڭ كومپانيالارى كوپتەپ جۇمىس ىستەيدى.

وسى رەتتە قاسىم-جومارت توقايەۆ قازاقستان مەن جاپونيا اراسىنداعى ىنتىماقتاستىقتىڭ وڭىردەگى، ونىڭ ىشىندە، «ورتالىق ازيا - جاپونيا» ديالوگى اياسىنداعى ىقپالداستىقتىڭ قوزعاۋشى كۇشى بولۋعا مۇمكىندىگى بار ەكەنىن ايتتى.

سونىمەن قاتار تاراپتار حالىقارالىق ساياساتتىڭ وزەكتى ماسەلەلەرى جونىندە دە پىكىر الماستى.

اتاپ ايتقاندا، جاپونيا پرەمەر-ءمينيسترى سولتۇستىك جانە وڭتۇستىك-شىعىس ازياداعى احۋالعا قاتىستى ءوزىنىڭ پايىمىمەن ءبولىستى.

مەملەكەت باسشىلارى كوپجاقتى بايلانىستاردىڭ بارلىق سالاسى بويىنشا ءوزارا سەنىمدى ديالوگ پەن كونسۋلتاتسيالاردى جالعاستىرۋعا ۋاعدالاستى. اڭگىمەلەسۋ سوڭىندا قاسىم-جومارت توقايەۆ ەشيحيدە سۋگانى وزىنە ىڭعايلى ۋاقىتتا قازاقستانعا ساپارمەن كەلۋگە شاقىردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات