مەديتسينا قىزمەتكەرلەرىنىڭ جالاقىسىن تاعى كوتەرۋگە قانشا ميلليارد تەڭگە بولىنەدى؟

None
None
نۇر-سۇلتان. قازاقپارات - الەۋمەتتىك مەديتسينالىق ساقتاندىرۋ قورى مەديتسينا قىزمەتكەرلەرىنىڭ جالاقىسىن كوتەرۋگە 132 ميلليارد تەڭگە باعىتتايدى، دەپ حابارلايدى قازاقپارات ءتىلشىسى.

الەۋمەتتىك مەديتسينالىق ساقتاندىرۋ قورىنىڭ باسقارما ءتوراعاسى بولات توكەجانوۆ ورتالىق كوممۋنيكاتسيالار قىزمەتىندە وسىنداي جاڭالىعىن ءبولىستى.

«دارىگەرلەردىڭ جالاقىسىن %30 دەيىن جانە ورتا مەديتسينا قىزمەتكەرلەرىنىڭ جالاقىسىن %20 دەيىن ارتتىرۋعا 132 ميلليارد تەڭگە ءبولىندى. جالاقىنى ارتتىرۋ الەۋمەتتىك مەديتسينالىق ساقتاندىرۋ قورىنىڭ مەديتسينالىق قىزمەتتەرگە اقى تولەۋ تاريفتەرىندە كوزدەلگەن. قازىرگى ۋاقىتتا ەلىمىزدەگى دارىگەرلەر سانى 76 مىڭ شتاتتىق بىرلىكتى قۇرايدى، ونىڭ 32 مىڭى - بەيىندى ماماندار»، - دەدى قوردىڭ باسقارما ءتوراعاسى.

مەديتسينا قىزمەتكەرلەرىنىڭ جالاقىسىن كەزەڭ-كەزەڭىمەن 2023-جىلعا قاراي ەكونوميكاداعى ورتاشا جالاقىدان ەكى جارىم ەسە جوعارى دەڭگەيگە دەيىن ارتتىرۋ كوزدەلگەنى بەلگىلى.

«2021-جىلدىڭ 1- قاڭتارىنان باستاپ 247 مىڭ مەديتسينا قىزمەتكەرىنىڭ جالاقىسى ءوستى. %30 - دارىگەرلەردىڭ، %20 ورتا مەديتسينا قىزمەتكەرلەرىنىڭ ەڭبەكاقىسى ۇلعايدى. وسىلايشا، 2023-جىلى دارىگەرلەردىڭ ورتاشا جالاقىسى شامامەن 561 مىڭ تەڭگەنى، ورتا مەديتسينالىق قىزمەتكەرلەردىڭ جالاقىسى 210 مىڭ تەڭگەنى قۇرايدى»، - دەدى بولات توكەجانوۆ.

سوڭعى جاڭالىقتار