+7 (701) 759 90 19
17 °С : نۇر-سۇلتان
31 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

ەستەلىك باعى: ەلوردالىق وقۋشىلار اتا- انالارىمەن بىرگە اعاش وتىرعىزدى

12 مامىر 18:43
:ءبولىسۋ
ەستەلىك باعى: ەلوردالىق وقۋشىلار اتا- انالارىمەن بىرگە اعاش وتىرعىزدى

نۇر- سۇلتان. قازاقپارات - «كيەلى تابيعات» ەكولوگيالىق ايلىعى اياسىندا ەلوردالىق №59 مەكتەپ- ليتسەيىنىڭ وقۋشىلارى «ەستەلىك باعى» اكسياسىن وتكىزدى، دەپ حابارلايدى قازاقپارات. ناۋقان اياسىندا بالالار اتا- انالارىمەن بىرگە مەكتەپ اۋماعىنا اعاش وتىرعىزدى.

«جاستار اراسىندا وتباسىلىق قۇندىلىقتاردى نىعايتۋ شارالارىن ينستيتۋتسيوناليزاتسيالاۋ» جوباسى اياسىندا №59 مەكتەپ- ليتسەيدە اعاش وتىرعىزۋ اكسياسى ءجۇرىپ جاتىر. مۇندا كوپتەگەن وتباسىلار بەرىك كۇشتىڭ، دوستىق پەن بىرلىكتىڭ سيمۆولى رەتىندە بىرلەسىپ اعاش ەگەدى. ناۋقان بۇكىل قازاقستان بويىنشا وتەدى، ءبىزدى كوپتەگەن مەكتەپتەر، كوللەدجدەر جانە اكىمدىكتەر قولداپ وتىر. 15- مامىردان باستاپ الماتى اكىمدىگىمەن وسىنداي اكتسيا ۇيىمداستىرامىز بۇگىن وسى مەكتەپ اۋماعىندا 20-دان استام كوشەت وتىرعىزىلدى»، - دەدى «ەڭ باقىتتى ەل» قوعامدىق قورىنىڭ جەتەكشىسى كاميلا سۇلەيمەنوۆا.

قوعامدىق قور باسشىسىنىڭ ايتۋىنشا، اعاش وتىرعىزۋ بالالارعا قورشاعان ورتاعا قامقورلىق جاساۋدى ۇيرەتەتىن، وتباسىمەن بىرگە ۋاقىت وتكىزۋگە، فيلم كورۋگە عانا ەمەس، بىرگە اعاش وتىرعىزۋعا، ءبىر- بىرىنە كومەكتەسۋگە مۇمكىندىك بەرەتىن بىرىكتىرۋشى فاكتور بولادى.

«ءبىزدىڭ قىزمەتىمىز وتباسىلىق داستۇرلەردى جاڭعىرتۋعا جانە نىعايتۋعا باعىتتالعان. سونىمەن بىرگە، ءبىز قالانى كوگالداندىرۋعا كومەكتەسەمىز. ەگەر قازاقستاننىڭ بارلىق وڭىرلەرىندە وتباسىلىق اللەيالار گۇلدەنسە، قالالار وسىلاي وزگەرسە، ءبىز قۋانامىز»، - دەيدى ك. سۇلەيمەنوۆا.

اعاش ەگۋ ءداستۇرى №59 مەكتەپ- ليتسەيدە جىل سايىن جۇرگىزىلەدى. مۇعالىمدەردىڭ ايتۋىنشا، قاتىسۋشى وتباسىلار سانى دا جىلدان- جىلعا ارتىپ كەلەدى.

«ءبىزدىڭ ۇلىمىز ءالىبي بيىل 11-سىنىپتى بىتىرەدى. بۇگىن ءبىز تۇلەكتەر ەستەلىگى رەتىندە اعاش وتىرعىزۋعا كەلدىك جانە وتباسى كۇنى قارساڭىندا ءوز بىرلىگىمىزدى كورسەتۋدى ۇيعاردىق. وسىلايشا، ءبىز العان ءبىلىمىمىز ءۇشىن مەكتەبىمىزگە العىس بىلدىرگىمىز كەلدى. بولاشاقتا مەكتەپ جانىندا سەرۋەندەپ، نەمەرەلەرىمىزگە مەكتەپ اۋماعىن كوگالداندىرۋعا ۇلەس قوسقانىمىزدى كورسەتەمىز. بۇل مەكتەپكە جاقىندا عانا اۋىسقاندىقتان، اكتسياعا العاش رەت قاتىسىپ تۇرمىز»، - دەدى ءالىبيدىڭ اتا- اناسى اينا جانە قايىربولات قۇسپەكوۆتار.

اۆتور: ايجان سەرىكجان قىزى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات