+7 (701) 759 90 19
15 °С : نۇر-سۇلتان
14 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

ۇشاق اپاتى: جەردى زاڭسىز ساتقاندار سوتتالدى

12 مامىر 17:25
:ءبولىسۋ
ۇشاق اپاتى: جەردى زاڭسىز ساتقاندار سوتتالدى

الماتى. قازاقپارات - الماتى وبلىسىنىڭ تالعار اۋداندىق سوتى بۇرىنعى شەنەۋنىكتەر مەن ريەلتورعا Bek Air ۇشاعى اپات بولعان الماتى اۋەجايىنىڭ جانىنان جەردى زاڭسىز ءبولىپ بەرۋ ءىسى بويىنشا ۇكىم شىعاردى.

بۇرىنعى ءۇش شەنەۋنىككە 3 جىل باس بوستاندىعىنان ايىرۋ جازاسى كەسىلدى. قالعاندارى 2,5 جىلدان 4 جىلعا دەيىن سوتتالدى، دەپ حابارلايدى قازاقپارات ءتىلشىسى.

2019 -جىلى جەلتوقساندا الماتى اۋەجايى ماڭىندا Bek Air ۇشاعىنىڭ اپاتىنان كەيىن اۋەجايعا تىم جاقىن ورنالاسقان جەر ۋچاسكەلەرىنىڭ زاڭدىلىعى تەكسەرىلگەن بولاتىن. تەرگەۋ بارىسىندا 5 شەنەۋنىك پەن 1 ريەلتور كۇدىككە ءىلىندى. اتاپ ايتار بولساق، رۋستام تۇرىسبەكوۆ، جاراس ماشيمبايەۆ، مەدەۋ قالىبەكوۆ، بەرىك ابدۋللايەۆ، قايرات التىنبەك ۇلى، سونداي- اق دەلدال - ريەلتور نۇرايىم الدانىش.

بۇگىن، 12 - مامىردا سوت ۇكىمى شىقتى. جەر رەگيسترى عىلىمي- وندىرىستىك ورتالىعى تالعار اۋداندىق ءبولىمىنىڭ بۇرىنعى باستىعى جاراس ماشىمبايەۆقا 4 جىلعا باس بوستاندىعىن شەكتەۋ تۋرالى ۇكىم شىقتى. تاۋەلسىزدىكتىڭ 25 جىلدىعىنا ارنالعان راقىمشىلىققا بايلانىستى ونىڭ مەرزىمى ءبىر جىلعا دەيىن قىسقارتىلدى. ناتيجيەسىندە 3 جىل شارتتى جازا تاعايىندالدى. تالعار اۋداندىق جەر قاتىناستارى ءبولىمىنىڭ بۇرىنعى باستىعى رۋستام تۇرىسبەكوۆ كىنالى دەپ تانىلىپ، مەملەكەتتىك قىزمەتتەگى لاۋازىمداردى اتقارۋ قۇقىعىنان 7 جىلعا ايىرا وتىرىپ، 5,6 جىل بەردى. قازاقستان تاۋەلسىزدىگىنىڭ 25 جىلدىعىنا ارنالعان راقىمشىلىققا بايلانىستى ونىڭ مەرزىمى قىسقارتىلدى. ناتيجەسىندە ول 4,1 جىلدى قاۋىپسىزدىگى شەكتەۋلى كولونيادا وتەۋى كەرەك بولادى.

بۇرىنعى جەر كاداسترى عىلىمي- وندىرىستىك ورتالىعى ايماقتىق ءبولىمى باستىعىنىڭ مىندەتىن اتقارۋشى مەدەۋ قالىبەكوۆكە دە 4 جىلعا باس بوستاندىعىن شەكتەۋ تۋرالى سوت ۇكىمى شىقتى. راقىمشىلىققا بايلانىستى ول 3 جىل شارتتى جازا ارقالادى.

باسقارمانىڭ جەرگە ورنالاستىرۋ سەكتورىنىڭ بۇرىنعى باستىعى مىندەتىن اتقارۋشى بەرىك ابدۋللايەۆقا 4 جىلعا باس بوستاندىعىن شەكتەۋ جازاسى تاعايىندالدى. راقىمشىلىقتىڭ ارقاسىندا وعان 3 جىل شارتتى جازا قولدانىلدى. تالعار اۋداندىق جەر قاتىناستارى ءبولىمىنىڭ بۇرىنعى باستىعى قايرات التىنبەك ۇلى كىنالى دەپ تانىلدى. سوت ونى 6 جىل مەرزىمگە مەملەكەتتىك قىزمەتتەگى لاۋازىمداردى اتقارۋ قۇقىعىنان ايىرا وتىرىپ، قاۋىپسىزدىگى شەكتەۋلى كولونيادا 4 جىلىن وتكىزۋدى بۇيىردى. راقىمشىلىققا بايلانىستى ونىڭ مەرزىمى قىسقارىپ، كولونياداعى مەرزىمى 3 جىل دەپ تاعايىندالدى.

ريەلتور نۇرايىم الدانىش 5 جىلعا باس بوستاندىعىنان ايىرىلىپ، قاۋىپسىزدىگى ورتاشا كولونياعا جىبەرىلەتىن بولدى. تاۋەلسىزدىكتىڭ 25 جىلدىعىنا ارنالعان راقىمشىلىققا بايلانىستى ونىڭ مەرزىمى 2,6 جىلعا قىسقاردى.

ايتا كەتەيىك، بۇعان دەيىنگى پروتسەستە پروكۋرور ەكس- شەنەۋنىكتەردى، ياعني، بارلىق سوتتالۋشىلاردى 4 جىلدان 6 جىلعا باس بوستاندىعىنان ايىرۋ جازاسىن سۇراعان بولاتىن. ەستەرىڭىزگە سالا كەتەيىك، 2019 -جىلدىڭ 27 -جەلتوقساندا « Bek Air « اۋە كومپانياسىنىڭ ۇشاعى اپاتقا ۇشىرادى. الماتى - نۇر- سۇلتان باعىتىنداعى ۇشاق بيىكتىكتى ساقتاي الماي، بەتون قورشاۋىن بۇزىپ وتكەن. ارتىنشا ەكى قاباتتى تۇرعىن ۇيگە سوعىلدى، 12 ادام مەرت بولدى، 69 ادام زارداپ شەكتى. ونىڭ 51- ءى اۋرۋحاناعا ءتۇستى.

اۆتور: الما مۇقانوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات