+7 (701) 759 90 19
15 °С : نۇر-سۇلتان
24 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

قاراعاندىدا كۇلى از، ساپاسى جوعارى كومىر شىعارىلادى

12 مامىر 17:01
:ءبولىسۋ
قاراعاندىدا كۇلى از، ساپاسى جوعارى كومىر شىعارىلادى

قاراعاندى. قازاقپارات - قاراعاندىدا كۇلى از قالاتىن، ساپاسى جوعارى كومىر شىعارىلا باستايدى. جاڭا بايىتۋ فابريكاسىنىڭ ت م د ەلدەرىندە بالاماسى جوق.

ءىرى جوبا ق ر پرەمەر- ءمينيسترىنىڭ ورىنباسارى رومان سكليار مەن قاراعاندى وبلىسىنىڭ اكىمى جەڭىس قاسىمبەكتىڭ قاتىسۋىمەن ىسكە قوسىلدى، دەپ حابارلايدى قازاقپارات ءتىلشىسى.

جوبانىڭ قۇنى 12 ميلليارد تەڭگەنى قۇرادى. ونى جۇزەگە اسىرۋدىڭ ارقاسىندا 110 جاڭا جۇمىس ورنى اشىلدى. فابريكانىڭ قۋاتتىلىعى - ساعاتىنا 300 توننا نەمەسە جىلىنا ەكى ميلليون توننا بايىتىلعان كومىر.


«قاراعاندى وبلىسى - بۇل شيكىزات وندىرۋدەن باستاپ قايتا وڭدەۋگە دەيىنگى ونەركاسىپتىك كلاستەرلەر قۇرىلاتىن يندۋستريالىق ءوڭىر. بۇگىن ءبىز جاڭا تەحنولوگيالاردى پايدالانا وتىرىپ سالىنعان بايىتۋ فابريكاسىنىڭ اشىلۋىنا قاتىسىپ وتىرمىز. Qaz Carbon كومپانياسىنىڭ ءىرى ينۆەستيتسيالىق جوبالاردى ىسكە اسىرۋدا ۇلكەن تاجىريبەسى بار. وتكەن جىلى وسى الاڭدا قۇيۋ ءوندىرىسىن اۋقىمدى جاڭعىرتۋ جۇرگىزىلدى. ال جاقىن ارادا جاڭا فەرروقورىتپا زاۋىتى ىسكە قوسىلادى دەپ كۇتىلۋدە»، - دەدى رومان سكليار.


كاسىپورىندا «دىمقىل بايىتۋ» تەحنولوگياسى قولدانىلادى. بۇكىل پروتسەدۋرا قورشاعان ورتاعا زيان كەلتىرمەستەن جابىق سيكلدە جۇرەدى. ءوندىرىس پروتسەسى تولىعىمەن اۆتوماتتاندىرىلعان. الەمدىك تەحنولوگيالىق ازىرلەمەلەردى قولدانۋ جانە جاڭا جابدىقتاردى ورناتۋ «يندۋستريا 4.0» باعدارلاماسىنىڭ پارامەترلەرىنە سايكەس كەلەدى.

«ونەركاسىپ قۇرىلىس كەزەڭىنىڭ وزىندە زاماناۋي اقىلدى تەحنولوگيالاردى ەنگىزۋدىڭ ۇلگىسىنە اينالدى. سونداي- اق، جەرگىلىكتى ەكونوميكانى قولداۋدىڭ ۇلگىسى بولىپ وتىر. ءوندىرىس ءۇشىن شيكىزات ءبىزدىڭ قاراعاندىلىق كومىر بولىپ تابىلادى. ياعني، قازاقستاندىق قامتۋ ۇلەسى % 100- دى قۇرايدى. ەڭ باستىسى، كاسىپورىندا 100-دەن استام جاڭا تۇراقتى جۇمىس ورنىن اشىپ، ءوڭىردىڭ دامۋىنا وڭ الەۋمەتتىك- ەكونوميكالىق ىقپال ەتەدى»، - دەپ اتاپ ءوتتى جەڭىس قاسىمبەك.

ونىمدەردى ەكسپورتقا جىبەرۋ جوسپارلانۋدا. ءبىر بولىگى قاراعاندى فەرروقورىتپا زاۋىتىنىڭ قاجەتتىلىكتەرىنە جۇمسالادى. جوبانى ىسكە اسىرۋ ءوڭىر ەكونوميكاسىن ءارتاراپتاندىرۋعا، وڭدەۋ ونەركاسىبىندەگى ەڭبەك ونىمدىلىگىن ارتتىرۋعا ىقپال ەتەدى. رومان سكليار قاراعاندى وبلىسىنا جۇمىس ساپارى بارىسىندا «سانتەحپروم» ج ش س- دا بولىپ، وعان ءوندىرىستى جاڭعىرتۋ جوسپارى تانىستىرىلدى. سونىمەن قاتار، ۆيتسە- پرەمەر وڭىردە «تاۋ- كەن سامۇرىق» ۇ ت ك» ا ق جوبالارىنىڭ جۇزەگە اسىرىلۋ بارىسىمەن تانىستى.

اۆتور: اگاتا مۋحامەدجانوۆا



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات